رواية مغامره في عماره الجن
الفصل الاول1
بقلم ايه عادل
انا ثريا عمري ٢٥سنه ، مذيعه في برنامج رعب وبعمل فيديوهات عن الجن والسحر
في يوم كنت مع سما وشاذلي فريق أعداد البرنامج بتاعي بنفكر في الحلقه الجديده وشاذلي قالي
شاذلي
انا عندي فكره حلوه اوي ياست ثريا انا شايف أن دي هتخليكي تريند بعون الله
ثريا
انا معاك بس اسمع قول للعيال اللي بتلبسهم عفاريت دول يعملو حاجات تدخل العقل وقولي علي المكان الجديد اللي في دماغك ، ياتري ترب ولا مستشفي مهجوره
شاذلي
لا عماره رضوان عندنا في المنطقه عماره طالع عليها سمعه انها مسكونه بس كل ده كلام فارغ انا وصحابي ساعات بنروح نقعد هناك سوا وعمر في يوم ماحصلنا حاجه
سما
خلاص يا ثريا تعالي نروح واهو ناخد اللقطه ونركب التريند
ثريا
طيب يلا بينا ، هنتحرك النهارده بالليل ، يلا روحو انتو حضرو نفسكم وهعدي عليكم بالليل اخدكم ونروح علي العماره
روحت شقتي اللي كنت عايشه فيها لوحدي وشغلت التليفزيون وقولت انام شويه علي الكنبه ولقيت فجاه صوت صرخه جايه من الحمام
جريت بسرعه اشوف ايه اللي بيحصل ولما دخلت الحمام مالقيتش حاجه ، بس لما بصيت عند شباك الحمام اللي كان علي الشارع لقيت زي مايكون حد بيبصلي كان أسمر وشعره طويل اوي صوت وجريت علي بره وانا قلبي هيقف من الخضه ، وقولت لنفسي
ثريا
ايه ده. ،ازاي اللي شوفته ده انا ساكنه في الدور الرابع ايه اللي بيبص عليا من شباك الحمام ده
دخلت الحمام تاني وبصيت علي الشباك مالقيتش حاجه قفلت الشباك وخرجت قعدت تاني بره وانا مرعوبه وقررت البس واقعد في العربيه لحد ما الليل يليل
وعدا الوقت وروحت ل شاذلي ول سما ، ولقيت شاذلي قالي
شاذلي
انا حضرت كل حاجه الكاميرات مشحونه والكشافات
سما
وانا جهزت الاكل والمياه وكمان الاسعافات الاوليه
ثريا
اللي يسمع كده يقول انها مغامره بجد مانتو عارفين اللي فيها
شاذلي
اهي حركات عشان نحلل بيها القرشين ، انا اتصلت بالعيال ومجهز اللبس بتاعهم
ثريا
طيب يلا بينا
روحنا المكان اللي شاذلي قال عليه ، ووصلنا عند العماره كانت عماره شكلها كئيب اوي ، ولما قربنا منها لقيت شاذلي قال
شاذلي
اهي العماره دي الناس بتقول انها بيطلع منها صوت عزف غريب اوي بس انا عمري ماسمعته
ثريا
طيب هي مفتوحه عادي ندخل ولا ايه
شاذلي
ايوه محدش بيقرب منها اساسا يلا بينا يا استاذه
دخلت العماره وبدأت اصور الحوش اللي كان كله مرايات ، شغلنا الكشافات اللي بينت قد ايه عماره رضوان دي عماره فخمه اوي كانت معموله بالرخام وكلها مرايات ، بقيت مذهوله وانا بصور وقولت
ثريا
حقيقي عماره حلوه اوي ، بس الغريب بقي أن العماره دي ياجماعه مسكونه تخيلوا
فجاه وانا بتكلم لقيت حد ظهر في المرايا كان أسمر وشعره طويل اوي ، ولقته بيضحك ، بصيت ورايا مالقيتوش ، اتخضيت وخضتي كانت واضحه اوي وبصيت ل سما وشاذلي ووقفت الكاميرا وقولت
ثريا
حقيقي المرادي العيال اللي انت جايبهم فظاع خوفوني
شاذلي
عيال ايه العيال لسه ماجتش
اتصدمت وخوفت اوي وقولت ازاي يا شاذلي انا شوفت حد ظهر هنا ، مين اللي طلعلي ده
سما
مافيش حد ظهر يا ثريا اهدي ، اقولك تعالي نخرج من هنا تهدي اعصابك وندخل تاني
وافقت علي الحل ده وقربت من باب العماره بس الغريبه أن الباب اختفي ، الباب اللي المفروض نخرج منه مش موجود ، قولت وانا بزعق ل شاذلي
ثريا
في الباب يا شاذلي ايه اللي بيحصل هنا
شاذلي
والله مش عارف ياست ثريا انا عمر ماحصل معايا كده ، بس في بوابه تانيه تعالو نخرج منها
فضلنا ندور علي البوابه التانيه مالقيناهاش خالص ، بقيت مصدومه من اللي بيحصل وقولت
ثريا
اسمع يا شاذلي انا وافقت اجي اصور المغامره دي عشان اطلع التريند بس اللي بيحصل ده مش معقول ، انا مش لاقيه ولا بوابه مفتوحه
نخرج منها ، وفين البوابه اللي دخلنا منها اختفت ازاي ، انت مش قولتلي أن كل اللي بيحصل هنا مجرد إشاعات
شاذلي
ياست ثريا والله اللي بيحصل هنا انا مش عارف معناه ايه ، بس كل اللي اعرفه أننا في ورطه
سما
ثريا اتصرفي انا حاسه اني هتخنق انتي عارفه اني عندي فوبيا من الأماكن المغلقة اتصرفي
سمعنا صوت جاي من الدور التالت ضخم اوي يرعب قال
سند
مش هتخرجو من هنا ، انا بقالي اكتر من سنين محبوس مش عارف اخرج ....
تعليقات: 0
إرسال تعليق