رواية مغامره في عماره الجن
الفصل الثاني2
بقلم ايه عادل
سند
مش هتخرجو من هنا ، انا بقالي سنين محبوس مش عارف اخرج
ثريا
ازاي بقالك سنين هنا ومش عارف تخرج بتاكل ايه وعايش ازاي في المكان ده ، شاذلي انطق قول ايه اللي بيحصل هنا انا مش فاهمه حاجه
شاذلي
مش عارف مش عارف ياست ثريا انا كل اللي اعرفه ان المكان ده مسكون ودي اشاعه والله انا كنت باجي هنا انا وصحابي
سما
ثواني بس مين اللي بيكلمنا ده الصوت جاي من الدور اللي فوق تعالو نشوف مين ده يمكن يكون حد بيعمل فينا مقلب
ثريا
شغلو الكاميرات ويلا نصور
سما
مش قادره امسك الكاميرا
ثريا
بقولك امسكي الكاميرا وصوري ماهو لازم كل اللي بيحصل هنا ده نستغله
سما
امسكيها انتي واعتبري اول مانخرج من هنا اني مش شغاله معاكي تاني
لاحظت علي سما انها متوتره وخايفه وعشان كده مسكت انا الكاميرا وابتديت اصور وطلعت انا وشاذلي وسما كانت خايفه تطلع ، ولما ابتدينا نطلع سمعنا صوت عزف جاي من الأدوار اللي فوق
ولقيت شاذلي ابتدأ يمسك رأسه ويقول انا عايز امشي من هنا العزف ده هيفرتك دماغي مشوووني من هنا مش قادر
سما
مش قادره اتحمل صوت العزف ده
ثريا
ارجعو تاني ارجعو تاني
ولما رجعنا تاني لقيت صوت العزف اختفي وقعدت انا وشاذلي وسما وقولت
ثريا
انت هطلع فوق وانتو خليكم هنا انا لازم اشوف حل في اللي احنا فيه ولازم نعرف أيه اللي بيحصل هنا
سما
كله منك يا شاذلي ، انطق قول ايه حكايه العماره دي ده حتي الشبكه مش واصله ومافيش ولا تليفون عارفين نشغله ونتصل بحد ينجدنا
شاذلي
العماره دي اسمها عماره رضوان ، رضوان ده كان معلم كبير اوي بناها وقعد هو وأخوه حمدان واتجوزو وخلفو فيها كان رضوان وحمدان بيشتغلو في الممنوع وعملو فلوس ياما بس في يوم سمعنا صوت ضرب نار وصويت ولما روحنا نشوف ايه اللي حصل لقينا الناس بتقول أن عيله رضوان كلها ماتت كل اللي كان في العماره مات ، ومن بعدها العماره اتقفلت ومحدش عارف مين اللي عمل كده فيهم ، عصابه جد خلصت عليهم ومشيت
ثريا
في مليون عماره حصل فيها جريمه قتل اشمعني دي اللي اتقفلت علينا
شاذلي
مش عارف والله ماعرف
ثريا
انا هطلع واللي يحصل يحصل احنا كده كده ميتين
قومت وبصيت علي سلم العماره وطلعت وابتدا صوت يا العزف يشتغل تاني بس المرادي ماحسيتش اني مضايقه منه ولا شاذلي وسما حسو باللي حسو بيه ، بس لما طلعت استغربت لقيت اول شقه مفتوحه ، دخلتها ولقيتها مفروشه كأن فيها ناس ساكنه ، ابتديت اتوغل فيها وقولت
ثريا
في حد هنا ، يا جماعه ، في حد هنا
لقيت واحده في سن الأربعينات خارجه مضايقه اوي ومتعصبه وباين عليها انها مش شايفاني ولقيتها دخلت اوضه نوم وصحت واحد نايم علي السرير في سن الخمسينات وبتقوله
سنيه
قوم يا رضوان قوووم اصحي ، بقولك ايه البت اللي انت متجوزها دي تطلقها حالا انت فاهم
رضوان
يادي المشاكل اللي كل يوم بصحي عليها قولتلك مالكيش دعوه ب ريحانه دي مراتي وانا مرتاح معاها وبعدين انتي ناقصك ايه
سنيه
انا زي الفريك ماحبش شريك وريحانه لازم تمشي من هنا انت فاهم
رضوان
مش هقدر يا سنيه انا طالع اكمل نوم فوق
سنيه
بقي كده طالعالها صح ، طيب يا رضوان
طلع رضوان فوق وسابها ولقيتها بتتكلم في التليفون وبتقول
سنيه
انزلي يا اشجان دلوقتي حالا شوفي المصيبه اللي انا فيها ، انا لازم اخلص من ريحانه دي في اسرع وقت
اشجان
طيب اسمعي حمدان ينزل وانا هجيلك علي طول وهنطفشها بس انتي اهدي كده وبطلي تاكلي في نفسك
حسيت اني اتشديت اوي في اللي كنت عايشه فيه ، وقررت اطلع اشوف رضوان ده طلع راح فين ، ولما طلعت لقيته واقف علي باب شقه وفتحتله واحده زي القمر بس عينها تخوف ، بصيتله وضحكت وقالت
ريحانه
ادخل ياسيد الرجاله
رضوان
الله ، ريحه الشقه حلوه اوي يا ريحانه انا عايز انام
ريحانه بصت ل رضوان وابتدت تسحره بعينها وقالتله
ريحانه
ادخل اوضتك نام
ودخل رضوان اوضته وهو ساكت ومغمض عينه كأنه ماشي وهو نائم وهي دخلت الحمام وولعت شمعه قصاد المرايا وابتدت تقول كلام غريب وظهرلها قرينها كان راجل ، عنيه سودا مافيهاش بياض ، كان بيدمع دم وقال
القرين
خلصي عليهم قبل مايخلصو عليكي ، يستاهلو الموت ماتنسيش اللي حصل فيكي ، انتي بنت الشيطان يا ريحانه
ريحانه
عايزه اعرف سر سنيه واشجان عايزه اخرب بيتهم
القرين
هههههه هقولك
ابتدت ريحانه تعرف حاجات كتير تشيب عنهم وبقت تسمع وهي بتضحك ، وبعد ماسمعت دخلت علي الاوضه بتاعتها وعينها بتنزل دم ونامت جنب رضوان
خرجت من الشقه ودخلت علي شقه سنيه تاني ولقيتها قاعده مع اشجان وقالت
سنيه
اللي اعرفه ان ريحانه تربيه شوارع بت مالهاش ولا أصل ولا فصل مالهاش ولا أب ولا أم ، ازاي المعلم رضوان يروح يتجوز بنت حرام يا اشجان
اشجان
بسببك ، بقيتي تهتمي بنفسك ونسيتي تهتمي بجوزك ، تقدري تقولي اخر مره قعدتو مع بعض كانت امتي
سنيه
مش بطيقه يا اشجان شكله بيتعب اعصابي ، انا مش بحبه يا اشجان انا بحب فلوسه ياختي وانتي عارفه
اشجان
اسمعي يا اختي يابنت امي وابويا انا وانتي اخوات ومتجوزين اخوات احنا اللي لينا الفلوس لو حمدان أو رضوان ماتو الورث لازم مايطلعش برانا ولا احنا ولا عيالنا ، واللي اسمها ريحانه لازم تموت
خرجت من الشقه وحاولت انزل ل شاذلي و سما لقيت نفسي محبوسه في الدور الأول وكأن في حيطه اتبنت ولقيت واحد اسمر ودقنه طويله وشعره طويل وباين عليه الارهاق والتعب بصلي وقالي
سند
مافيش رجوع غير لما تحلي اللغز وتعرفي ايه سبب موت عيله رضوان وحمدان ، خلاص ياثريا مافيش قدامك غير انك تدوري وراهم ، حلي اللغز عشان تخرجي وتنقذي نفسك واللي معاكي
ثريا
انت مين فهمني وايه حكايتك بالظبط
سند
اليوم في العماره باسبوع العماره ملعونه دوري ورا ريحانه ده كل اللي اقدر اقوله دوري وراها يا ثريا وافتكري أن مافيش رجوع
طلعت شقه ريحانه ولقيتها بتصحي رضوان وقالتله
ريحانه
قوم ياحبيبي عشان تروح الشغل
رضوان
حاسس اني اول مره اتجوز يا ريحانه اليوم معاكي بيعدي هوا
ريحانه
لسه الايام جايه كلها مش هتحس بيها
رضوان
مش هتاكلي يا ريحانه معايا بقالنا خمس شهور متجوزين مافيش مره اكلنا سوا
ريحانه
انت عارف اللي بتحبه انا مش بحبه بلاش تضغط عليا ، قول حاضر
رضوان
حاضر حاضر
نزل رضوان بعد ما اكل وعدا علي سنيه وقالها
رضوان
حمدان اخويا وسيد ابني راحو فتحو المحل
سنيه
من بدري ، انا خارجه النهارده يا رضوان وعايزه فلوس
رضوان
طيب امسكي ، انا ماشي
ومشي رضوان ودخلت سنيه تجهز نفسها عشان تنزل ، وفجاه وهي بتلبس وواقفه قصاد المرايا سمعت صوت خطوات داخله عليها الأوضه ، ولما بصت وراها تشوف مين لقت .....
تعليقات: 0
إرسال تعليق