قصة عشق لا يرى النور
الفصل الخامس عشر
بقلم ميمو مصطفي
مسعد : عين العقل انا هبعت حد من رجاله يجيب
هنا بتوتر : ها لالا انا لازم أوثق اللحظة دي وكل خطوطها بنفسي وغير كدا هيا الرجالة فاضيه ما هما مسحولين من صباحية ربنا اهو انا هنزل انا ومش هتاخر يالا بقا الوقت بيعدي
وبالفعل نزلت هنا مسرعا وهيا تنظر وراءها بخوف خبطت في حد ( فشهقت ) ايه دا انت جيت يا امجد الحمدلله
امجد بيشاور لها تسكت : اشششش وطي صوتك اتاخرتي. ليه قلقت عليكي وكنت طالع اشوف الحكاية ايه
هنا برعب : كنت خايفة ميرضيش ينزلني كنت هروح معاهم في داهية
امجد بحده : كويس أن ربنا سترها معاكي يالا هتلاقي علي اول الشارع عربية جيب سوده وقفه علي جنب اركبي فيها
هنا : عربية مين
امجد بزعيق : يوووه متسمعي الكلام مفيش وقت
هنا : حاضر حاضر
(((وبداء امجد في تنفيذ خطة وهنا ركبت السيارة وسرحت )))
(((فلاش باك)))
هنا بحيرة : اعمل ايه منا مش هسيبو يضيع بسببهم انا لازم اعرفه كل حاجة ( مسكت هاتفها ورنيت علي امجد ) ايوا يا حبيبي عامل ايه
امجد : الحمدلله يا حبيبتي وحشتيني ها الميعاد امتي
هنا : هقولك بعدين بس انا محتاجة اقبلك
امجد : طيب يالا
هنا : اوكي هقبلك في الكافي اللي متعودين عليه
امجد : تمام هتروحي تلاقيني
هنا : تمام وانا هنزل اهو ( وبعد حوالي نص ساعة وصلو المكان وهنا فضلت تبص لامجد وساكته )
امجد بابتسامه : ايه وحشتك اووي كدا جيبني علي ملئ وشي عشان تبصيلي بس
هنا بتنهيدة : مش عارفة ابدا منين بس انا عايزاك تسمحني
امجد : ليه فيه ايه قلقتيني
هنا : امجد انا مش هنا اللي انت تعرفها
امجد بهزار : ومال هنا مين طلع مسمكيش هنا لا لا تمام منا عارف انتي هنا اللي شغاله في ملهي ليلية عند مسعد صح وايه تاني
هنا بصدمه : انت عارف منين
امجد اتنهد : مكنش نفسي اتصدم فيكي ومن كتر صدمتي مش عايز اصدق قوليلي بقا جيبني هنا انهاردة عشان خدعه جديده
هنا ببكاء : لالا ابدا والله انا جاية عشان انقذك من مكر مسعد وأتباعه مسعد عملك فخ عايز يوقعك في ويخليك تسيب وظيفتك وتطلع بفضيحه
امجد : واشمعنا جاية تقوليلي الموضوع دا
هنا : وقسما بالله كل مرة كنت بكلمك أو قبلك فيها ببقي عايزة أقولك كل حاجة بس خايفة لاني واثقة أنهم مرقبني أو بيسجلو ليا
امجد : وانتي مش خايفة يكون بيرقبك أو حد بيسجلك
هنا : لا عمله احتياطتي متقلقش وكلهم مشغولين بموضوع الفخ بتاعك وانا انتهزت دا كلمتك ونزلت
امجد : طيب ايه اللي هيحصل
هنا : هيخلوك تيجي شقة مكبوسة مخدرات عشان تلبس انت فيها وهيخلو حمدي طبعا وهو محبوس يشهد أنك شريكهم في كل حاجة
امجد : اممم طيب انا عايز اليوم دا يكون مسعد موجود لانه اكيد هيحط الحاجة دي قبلها ويخلع ويتفرج من بعيد علي حضرت الظابط وهو بيتقبض عليه
هنا باستغراب : ازاي
امجد : هو اكيد طبعا هيقولك علي ميعاد بس انتي هتقوليلو لا دا هيتاخر ساعتين وتعالي نقعد شوية في الشقة عقبال الميعاد هيقولك تعالي في مكان تاني قوليلو لا هنا شوية وبعد كدا نمشي قبل ما امجد يجي تمام واحنا طبعا هنكون مرتبين كل حاجة ونقتحم عليهم
هنا : معقول هيبقي بسهولة دي
امجد : اعملي اللي بقولك عليه بس سيبي الباقي عليا
هنا : طيب منا كدا هيتقبض عليا معاهم
امجد : اكيد دا مش هيحصل انتي هتبقي عارفة معاد اتلككي بي أي حاجة وهتنزلي وتلاقيني منتظرك تحت
هنا بقلق : تمام ربنا يسترها
(((باااااك)))
((طلع امجد وحسام ومعاهم بعض القوات براحة هجمو عالباب بشده و رفعوا أسلاحتهم في وجه مسعد و رجاله ))
امجد وهو يرفع السلاح في وجه مسعد : كله يثبت مكانه اللي هيتحرك ويعمل أي حركة هتبقي بموته ( ثم ابتسم بتريقة واتنهد : ياااه اخيرا وقعت يا مسعد ولا حد سمه عليك
مسعد بجبروت : مسعد عمره مايقع وهتشوف
امجد : والله هنشوف فاتشوه المكان حته حته
مسعد بيجز علي أسنانه : هواريك واوريها بنت سامي
امجد ومازال يرفع السلاح : ابقي وريني
احد الظباط طلعه كميه من المخدرات المتنوعة : لاقينا دا يا باشا
امجد بضحك : كل دا كان ليا ايه الكرم دا كنت مستغني عن كل البضاعة دي عشاني دا انا طلعة حارق ناس كتير وعايزين يبعوني بلغالي ( ثم شاور للظباط ) امسكوهم
مسعد بصوت جهوري : هوريك والله العظيم لاهوريك دي مش النهاية يا ابن الشيخ الحكاية بداءت مش انتهت
امجد : اشششش خدو هو وكلابه دول ( ثم اتنهد ) اخيرا
حسام طبطب علي كتفه : مبروك أننا خلاصنه منها القضية دي
امجد : الحمد لله والشكر لله
حسام : البركة في هنا لوله هيا مكنش دا حصل
امجد بحزن : فعلا بس للاسف كانت صدمه عمري يالا ربنا يسهلها
حسام : يعني ايه خلاص كدا
امجد : طبعا هيا كانت بتمثل عليا ولا كانت بتحبني ولا حاجة وانا استحالة احب واحدة بشكل دا حتي لو قلبي هيموت عليا مش شبهي
حسام : اديها فرصة
امجد : مفيش فرص
(((ثم نزل امجد وحسام وكانت هنا في السيارة تتابع كل شي وهيا في منتهي الرعب )))
حسام: هتركب معايا
امجد : هشوفها الاول دي هتعمل ايه
حسام : هستناك طيب في العربية
امجد : تمام ( قرب امجد من السيارة اللي بها هنا ) شكرا عشان دا حصل
هنا بدموع : دا كان لازم يحصل من زمان انا اللي اتاخرت
امجد وهو يمسح علي وجه : المهم هتروحي علي فين اوصلك
هنا بدموع اكتر : مش عارفة ماليش مكان ومرعوبه من مسعد
امجد : مسعد خلاص اتحبس
هنا بدموع : مسعد مش هيستسلم بسهولة دي صدقني انا مرعوبة
امجد : طيب وبعدين
هنا : مش عارفة اروح فين ولا اجي منين
امجد متردد يتكلم بس مفيش حل غير كدا : طيب ممكن تيجي تقعدي عندي لحد منلاقي حل
هنا : عندك
امجد : في مانع مش لاقي حل غير دا ومش هامن تكوني في فندق
هنا بحزن : وانا هكون مرعوبة فعلا يبقي كدا اسلم مكان هو عندك لحد بس ملاقي مكان امين
امجد : طيب انزلي
((نزلت هنا وركبه مع حسام السيارة ))
حسام : هتروحو علي فين يا امجد
امجد : علي الشقة عندي لازم هنا تقعد عندي في امان اكتر
حسام : هيا ملهاش مكان
امجد : للاسف لا يالا اطلع بينا بسرعة عشان نوديها ونطلع مديريه
حسام : حاضر
(((في غرفة بسمه في الصعيد تتحدث في الهاتف )))
معاذ : وحشتيني
بسمه بابتسامه : انت اكتر
معاذ : بقي يومي مينفعش يفوت غير لما اسمع صوتك بجد بقيت مدمنك
بسمه بفرحة : انا حياتي بقت مختلفة معاك حسيت بدنيا بجد مع اني عارفة أن كلامنا مع بعض حرام بس غصب عني أنا معتبرة نفسي في فتره تعارف
معاذ :: مهو دا حقيقي احنا في فتره تعارف ربنا يقرب البعيد ثواني رقمي التاني بيرن خليكي معايا اشوف مين الوو مين
المتصل : ابوس ايدك ارحمني عايز اي حاجة تريح دماغي هنفجر
معاذ بقرف : يوووووه انت هتقرفني ياض ليه وانت لسه هنا مغورتش ليه علي بلدك عليك وعلي اخوك ياخي ( ثم اغلق الهاتف في وجه وكمل كلام مع بسمه: ناس مقرفة يا ستي والله
بسمه : خير
معاذ : سيبك خلينا في اللي احنا في بقولك
بسمه : قول
معاذ : بحبك بحبك ( ثم ابتدأ يعلي صوته ويقول : بحببببك مبقتش قادر
بسمه بضحك : ينهاري وطي صوتك اكيد حواليك ناس
معاذ : وايه المشكلة انا نفسي اقول لدنيا كلها اني بعشقك نفسي تبقي ليا انهاردة قبل بكرة
بسمه بسعادة : انا مش متخيلة أن حد بيحبني الحب دا بجد
معاذ : انتي تستاهلي اكتر من كدا بكتير ربنا يقدرني واقدر اسعدك يا حبي الاول والاخير
بسمه : مش عارفة اقولك ايه
في السيارة حسام المتجاه الي المديرية ومعه امجد يرن هاتفه يرد حسام ثم يزعق بصدمه : ايه بتقول ايه ازاي دا حصل انتو متخلفين ولا ايه ( ثم اغلق الهاتف )
امجد : في ايه انطق
حسام بصدمه : الحق يا امجد مسعد هرب
امجد بصدمه : بتقول ايه هرب ازاي
في شقة امجد هنا رايحة جايه في الشقة بتتعرف علي كل مكان فيها وتنظر حوالها يخبط الباب تستغرب هنا وتقرب منه برعب ثم سكت الباب و خبط مرة ثانيه قربت منه هنا برعب شديد : مين
تعليقات: 0
إرسال تعليق