قصة عشق لا يرى النور
الفصل الحادي و العشرون
بقلم ميمو مصطفي
بسمه بغضب ثم دخلت جهاد علي صوتهم : بصي بقا بقولك ايه من الاخر احنا من ساعة ما شوفنا وشك ودخلتي بيتنا واحنا مشفتاش منك غير الهم والغم ابعدي عننا
بسمه : بصراحة أنا عرفتك علي حقيقتك مكنتش مفكراكي كدا ربنا يهديكي
هنا فضلت تبكي لحد ما قرارت أنها ترحل وكفاية كدا وكانت تحدث نفسها : كفاية اهانه كفاية ظلم بقا انا لازم امشي فعلا
بعد عرض امجد عالنيابة وأمره للحبس اربع ايام يجلس امجد علي أحد الكراسي في مكتب بحزن شديد وبجانبه حسام : مش عارف ايه اللي انت عملته في نفسك دا ليه تعمل في نفسك كدا وعشان مين
امجد باستغراب : عملت ايه في نفسي هو انت مصدق اني ليا علاقة بالحاجات اللي كانت عندي دي والله معرف حاجة عنها انا مستغرب انت اللي بتقول كدا يا حسام يا خسره
حسام مسرعا : انا طبعا مش مصدق وهتجنن بس مستغرب ليه طيب يكون عندك في نفس الوقت ابن مسعد دا معناه ايه فهمني طيب
امجد نظر لحسام مسرعا : ابن مسعد مين انا معرفهوش اصلا ابن مسعد ايه اللي هيجيبو عندي محصلش طبعا
حسام : ومال سيادة اللواء هيقول كدا ليه
امجد : هو سيادة اللواء اللي قال كدا
حسام : للاسف ايوا انت بيتك كان عليه مراقبه لحد مانا اوصل بلدك فمن ضمن اللي خرج من بيتك علي كلام سيادة اللواء معاذ ابن مسعد
امجد قام وقف فضل رايح جاي في غرفة اخد مكاتب الظباط ويفكر : دا محصلش طبعا أنا مكنش في عند في اليوم دا غير عريس كان جاي لأختي ( ثم توقف عن الكلام لحظات ثم قال : اوعي يكون معقول لا انت قولت اسمه معاذ صح
حسام : ايوا
امجد بجنون : انا لسه فاكر والله دلوقتي أن العريس اللي متقدم لبسمه اسمه معاذ لا مش ممكن يعني مسعد خدعنه دخل ابنه بيتي بكل السهولة دي بس ازاي اتعرف علي بسمه انا هتجنن دا حصل ازاي الشنطة دي طلعة اوضتي ازاي معقول طلع بنفسه بس دا متحركش احنا مغفلناش عنه لحظة لما سالته عن أهله شغال ايه مجبش سيرة مسعد معقول اضحك عليا معقول طلعة مغفل اوي كدا طيب الشنطة دي ازاي معقول أداها لبسمه وهيا عملت كدا من غير ما تعرف
حسام بتنهيدة : احتمال وارد ( ثم تنهد اكتر وقال : واحتمال كمان يكون اللي زقه عليك وعلي اختك وعمل كدا تكون ( ثم سكت ونظر لامجد )
ثم نظر له امجد بفهم : قصدك هنا
حسام : الاحتمال الوارد انا زيك مش فاهم حاجة انا بفكر معاك بصوت عالي مش اكتر
امجد : انا عايز اقبل بسمه ضروري
حسام : حاضر هحاول اعمل زيارة ليها بكرة
امجد : عشان خاطري حاول انا في موقف صعب لازم اعرف ايه اللي بيحصل كمان مش مهم انا خايف اختي تتاذي
حسام : حاضر والله متقلقش هتبقي عندك بكرة وباذن الله خير
امجد : اهم حاجة تكون مصدقني يا صحبي وتبقي في ضهري
حسام طبطب علي ضهر امجد : انت اخويا انا معاك وفي ضهرك انا عارف مين امجد طبعا
في منزل عاصم بسمه في غرفتها بتبكي وبتكلم معاذ وهو بيحاول يفهم منها سبب البكاء ايه : يا عمري قوليلي فيكي ايه متخلنيش علي نار كدا
بسمه بتبكي : انا مخنوقه اووي انا تعبت والله معرفش ليه الناس كلها مستكترينك عليا ليه مستكترين حبينا لبعض
معاذ : فهميني في ايه ايه الحكاية طيب
بسمه : الاء من فترة تقولي انك مش كويس وفيك وفيك
معاذ بابتسامه : دا الطبيعي غيرنا غيرت بنات اني اختارتك وحبيتك انتي مش هيا
بسمه بحب : حبيبي عارفة طبعا ربنا يخلينا لبعض بحبك اوي
معاذ بضحك: هو دا اللي مدايقك
بسمه : ياريتها جت علي الاء دا طلعلي في المقدر كمان واحدة جايبها امجد اخويا ربنا يرجعه لينا بسلامه معرفش جايبها من انهي داهية لا تعرفنا ولا نعرف عنها حاجة وتقولي انك فيك وفيك برضو
معاذ باستغراب : وهيا تعرفني منين عشان تقول عليا أي حاجة
بسمه : انا عارفة اهي بلاوي وخلاص امجد جبلنا زباله الشارع يحطها في قلب بيتنا
معاذ ركز شوية : هو اللي جايبها امجد اسمها ايه البنت دي يمكن يا ستي في صله قرابه ولا زي الاء
بسمه بقرف : اسمها زفته هنا بلا قرف
معاذ بصدمه : هنا
بسمه : تعرفها
معاذ مسرعا وبيحاول يداري : هعرفها منين هنا ولا بتاع دي انا معرفش حد غير نور عيني وقلبي بسمه حياتي وبس
بسمه ابتسمت : بحبك اوي
معاذ : وانا كمان يا روحي علي كدا البنت دي لسه موجوده عندكم
بسمه : مرزوعه يكش تغور في داهية
معاذ : ماشي يا حبيبي انا مضطر اقفل دلوقتي ورايا شغل مهم وهكلمك تاني بعدين
بسمه : ماشي يا روحي سلام ( قفل حسام مع بسمه والغل اشتغل بقي هيا في قلب البيت دا ومع الكلب امجد ومعرفتش اوصل لها وراكي وزمن طويل يا بنت سامي
في غرفة هنا بتحضر هدومها عشان يعد ما البيت ينام تمشي ثم لقيت صورة لامجد مسكتها وفضلت تحضن فيها وتبكي: ليه بيحصل معايا كدا ليه بخسر كل شي في حياتي بمنتهي السهولة ليه انت كمان جيت عليا زي الناس والزمن كان نفسي تبقي انت سندي بعد ربنا وبابا لكن للأسف جيت عليا زي كل الناس تعبت من كل حاجة حواليا وكنت مسنودة بيك وبحبك حاولت اعيش من غيرك مقدرتش ومش قادرة للاسف حبك اتحفر جوايا مهما حصل عمر حبك ميغيب عن قلبي انا كنت بشوف كل الناس فيك بقيت زيك زي كل الناس بس قلبي مش قادر يكرهك دا كل يوم بيحبك اكتر
عند امجد في الحجز قاعد بيفكر دماغه هتنفجر : معقول هتجرحيني تاني يا هنا معقول لسه هنصدم اكتر منك اوعي يا هنا دا انا ما صدقت كنت ابتديت اتعافي من اول صدمه منك معقول انا معرفتكيش لدرجة دي حاولت اعيش من غيرك مش قادر قلبي متمسك بيكي رغم كل حاجة عملتيها اوعي تجرحي تاني ابوس ايدك بدعي أن يطلع اي حد غيرك عامل كدا الا انتي
كنت فاكر نسيانك وبعدي عنك سهل لكن للاسف دي اصعب حاجة يارب يا هنا تكوني بعيدة المرة دي
في غرفة احمد صوته بيتحدث في الهاتف : طيب انت عايز اللي قولتلي علي انا اهو عملت اللي انت قولت عليه
معاذ : بعدين بعدين
احمد : هو ايه اللي بعدين بعدين انا محتاج انا الصداع هيموتني
معاذ بتريقة : متجيب بفلوسك هو انت فقير دا انت اخو امجد باشا شخصيا
احمد : ايوا معيش فلوس وماليش دعوة بامجد
معاذ : عالعموم ابقي تعالي خد اللي ادهولك عشان خاطر عيون حبيبتي بسمه بس
احمد بقلق : هو انت عرفت بسمه منين كنت عارف انها اختي
معاذ بقرف : تعرف انا بعشق بسمه ومكنتش اعرف انها اختكم تعرف بسمه فيها كل المميزات اللي يتمناها اي رجل في مراته عيبها الوحيد انها اختكم واحد مدمن كل المخدرات و التاني عامل نفسه ياما هنا وياما هناك وحطيتنا في دماغه
احمد : يعني هتعمل ايه مع بسمه اوعي تاذيها
معاذ : انت عبيط استحالة مش عشانكم لأنها روحي
احمد : يا سلام المهم اجيلك امتي بكرة
معاذ : بقولك ايه خليك عندك ولو جيت الصعيد ابقي اجبهملك متوجعش دماغي ومتفضلش تزن بدل ما تخليك تحصل اخوك فاهمني
احمد : انا هستنيك لو مجتش هاجي انا وعليا وعلي أعدائي
معاذ افتكر وبيحاول يجر ناعم معاه : صح نشرت الفيديو ولا لسه
احمد : اه نشرته واقف معايا علي خطوة واحدة هعملها هيبقي في العالم كله بس مش هعمل كدا غير لما اخد حقي وصح انت ايه علاقتك بالبنت دي
معاذ بخبث : زي علاقة اخوك بيها اهو كله بيستمتع هيا بت جامدة وتستحق
احمد : طيب انت هتنشر الفيديو ليه
معاذ بخبث اكتر : دا شغلها ومطلوب كدا
احمد بابتسامه شيطانية : يعني دا شغلها
معاذ : اه يا حبيبي سلام دلوقتي
تاني يوم حسام جاب بسمه لامجد اول ما شافته فضلت تحضن في وتبكي بحرقة : يا حبيبي وحشتني أوووي بموت من غيرك والله
امجد بحضن : حبيبت قلبي بحبك والله وانتي كمان وحشتيني جدا يا قلبي اخوكي
بسمه : انا سعيدة جدا اني شوفتك فيك ايه يا حبيبي عايزني في ايه اؤمرني
امجد : جاوبيني بكل صراحة الصراحة في مصلحتي عشان نعرف مين السبب في اللي انا في
بسمه : رقبتي ليك قول وانا اجاوب
امجد : عرفتي معاذ منين
بسمه : منا قولتلك عن طريق واحدة صحبتي
امجد ؛ متأكدة بسمه قولي
بسمه: والله زي ما بقولك صدقني
امجد : طيب هو كان يعرفنا
بسمه : ماظنش في ايه يا امجد وايه علاقة اللي انت في بي معاذ
امجد : اسمعيني بس طيب اليوم اللي جي في أو قبلي مدكيش اي حاجة تحطيها في اوضتي
بسمه : وقسما بالله ابدا انا اعمل كدا
امجد بتنهيدة : ومال في ايه بس ومال دخل الشنطة دي بيتي ازاي
حسام بحزن : يبقي مفيش غير الشك التاني
امجد : معقول هنا تاني هنا تعمل فيا كدا تاني
بسمه : هنا دي بني ادمه مش ساهلة شكلها اصلا
امجد مسرعا : ليه حصل ايه في حاجة حصلت منها
بسمه : لا بس فضلت تقولي كلام علي معاذ وابعدي عنه ودا في ودا عليه
نظر حسام وأمجد لبعض ثم قال امجد : هيا قالتلك كدا
بسمه : اه واتخنقنا انا وهيا بسبب كدا امبارح بقيت غيورة دا من ضمن عبطها تقولي معاذ دا الد أعداء اخوكي ازاي يعني وانت كنت قاعد معاه ومبانش بالعكس كنت بضحك وتهزر معاه بت بصرم صح
حسام : تفتكر حد هيقول كدا ويبقي السبب في حاجة
امجد باطمئنان : يعني احتمال كبير مش هيا
حسام : احتمال وممكن تبقي هيا وضميرها صحي من تاني زي قبل كدا
امجد : المهم يا بسمه أنا عايزك تبعدي عن معاذ لو بتكلمي وحافظي علي نفسك الفترة الجاية عشان خاطر اخوكي
بسمه : في ايه يا امجد وماله معاذ قولي
امجد بحزن : زي ماقالتلك هنا معاذ هو أبوه الد أعدائي وهو السبب في اني اكون هنا دلوقتي
بسمه بصدمه عيونها اتملت دموع : انت بتقول ايه يا امجد قول كلام غير دا يعني كل دا بيضحك عليا لا مش معقول
امجد أخد بسمه في حضنه يهديها : اهدي يا قلب اخوكي مش عايزك تعملي كدا في نفسك عشان واحد ميستهلشي ولا يستهلك ولا يستاهل حبك صدقيني والحمدلله أن دا حصل عشان تكتشفي قبل فوات الاوان
بسمه بتبكي ولسه هتتكلم دخل عسكري وقال : الزيارة انتهيت
اخد حسام بسمه وهيا تبكي ولسه خارج من الغرفة امجد قاله : حسام عشان خاطري اعملي زيارة لهنا عشان خاطري اخر طلب
حسام : هحاول
كانت تجلس هنا في أحد الأماكن في المنزل حط أيده علي عينيها احمد : بخ انا احمد
هنا بزعيق : وانت ازاي تعمل كدا انت مالكش انك تحط ايدك عليا
احمد بتريقة : يا سلام ليه مش زي اللي بيحطوه أيديهم
هنا بتزعق اكتر : والله لو ما بطلت الاسطوانه بتعتك دي انت حر
احمد بحذر : صوتك هيعلي والله لاوري الكل الفيديو اللي معايا وشوفي بقا شكلك وشكل اللي جايبك هنا هيبقي ايه عاملين فيها انت. الاتنين شرفه وانتو الاتنين اوسخ خلق الله هو بتاع مخدرات وبيجي عليا وانتي شمال وعامله عليا شريفة منا مش هسيبك كدا انا لازم اشوف الحب والهنا يا هنا زي ما غيري شاف ولا انا وحش وماليش نفس
هنا ببكاء : حرام عليك بقا ارحمني ابعد عني
ثم حاولت تهرب منه وتجري علي غرفتها وتقفلها وهو فضل يخبط علي الباب لحد ماجي عاصم : في ايه بتخبط علي اوضة البنت كدا ليه هو دا احترام
احمد اتوتر : ها ايه بتقول ايه لا أصلها تقريبا كانت عايزة تهرب ولما شافتني طلع تجري علي اوضتها فبخبط اعرف كانت هتمشي ليه
عاصم بغضب : غور علي اوضتك ومش عايز اشوف وشك هنا تأني ( وبالفعل مشي احمد وخبط عاصم علي الباب : افتحي يا بنتي انا عمك عاصم
هنا مسحت دموعها بسرعة وجريت عالباب فتحتها : اسفة يا عمي اتفضل لا يا بنتي انا واقف اهو كنت جاي اقولك أن امجد باعت مع بسمه و حسام صحبه أنه عايز يشوفك
هنا بفرحة : ياريت في حاجات كتير محتاجة اقولهاله بجد
عاصم : عندك حاجة مهمه اقدر اعرفها
هنا : ايوا يا عمي بس بعدين اذا سمحت لما اروح زيارة لامجد الاول أفهمه
عاصم : اللي تحبي يا بنتي
هنا فضلت واقفه في مكانها سرحانه : انا كدا مش هقدر اسيب البيت وامشي غير بعد الزيارة دي
وبعد يومين اتوفق لهنا عالزيارة قال لها عاصم : بكرة يا بنتي معاد الزيارة هاجي انا اوصلك واستناكي برة
هنا بفرحة : ماشي يا عمي
في غرفة بسمه هاتفها بيرن كذا مرة المتصل معاذ ثم اخر ما زهقت رديت بكل غصب وغل : الو عايز ايه
معاذ اول ما بسمه رديت قال : اخيرا رديتي كنت هموت عليكي مش بتردي ليه عليا فيكي ايه
بسمه : بقولك ايه ابعد عني وعن طريقي وعن اهلي انت وابوك مش خلاص عملت اللي انت عايزو وحبست اخويا وضيعت مستقبله مش مهمتي معاك خلصت علي كدا ابعد عني ارجوك ولا هتعوز ايه تاني مني بقا ( كانت في اللحظة دي هنا داخله عند بسمه : سمعت كلمة مهمتي خلصت علي كدا ظنت أنها هيا السبب فنسحبت الي غرفتها وهيا تقرر أن تقول كل شي الي امجد غدأ )
بسمه بتكمل : اوعي اشوف رقمك تاني عندي
معاذ : انتي عرفتي طيب انا عايز اقولك انك ليا مش لغيري هتجوزك غصب عنك وعن اخوكي انا بحبك فهمتي
بسمه عيطت وقفلت السكة في وشه : انا ايه اللي عملته في نفسي دا
(((وبعد يوم طويل علي الكل كله حزن وبكاء والغاز جاءه تاني يوم يوم المواجهه بين امجد و هنا )
صحي و فطر عاصم وطلب من بسمه أنها تذهب الي هنا لتستيقظ و يذهبه الي امجد ذهبت بسمه بالفعل وبداءت بلخبط كتير علي الباب لأنها لن تستجيب برد أو بفتح الباب فضطرت بسمه فتح الباب ودخلت الي الغرفة ولكن المفاجأة عدم وجود هنا او ملابسها في الغرفة ثم قالت بسمه بصوت عالي : هنا هنا
تعليقات: 0
إرسال تعليق