الفصل الثامن
بقلم ميمو مصطفي
مسعد : اعرض عليكي اني اتجوزك واستر عليكي احسن ما تبقي زي البنات الزباله اللي هنا وتبقي مع كل واحد شوية
هنا بصدمه : تتجوزني
مسعد : ايوا ايه مستغربة ولا مش مصدقة ها قولتي ايه
هنا مازالت في صدمه : تتجوزني
مسعد : ايه مش موافقه ولا ايه خلاص براحتك خليكي كدا انا غلطان أن حبيت اصلح غلطتك
هنا ابتسمت باستهزاء : غلطتي هيا بقيت غلطتي اللي انا اصلا معرفش غلطها امتي وازاي وفين ( ثم اتنهدت ) عالعموم سبني افكر وارتاح شوية
مسعد : تمام كدا كدا مش هخطي خطوة غير لما نخلص حوار امجد دا لازم نخلص منه في اسرع وقت ممكن احنا متعطلين بسببه
هنا : أن شاء الله ( ثم رن هاتفها نظرت للهاتف ثم لمسعد)
مسعد : مين
هنا : دا امجد
مسعد : ردي
هنا : الو ازاي حضرتك استاذ امجد
امجد بابتسامه : الحمدلله المهم انتي اخبارك ايه طمنيني في حد دايقك
هنا : لا لا ابدا شكرا لحضرتك
مسعد واقف بيشاور لها تجر معاه كلام
امجد : اسف اني ازعاجتك بس حبيت اطمن عليكي
هنا بخوف من مسعد : ها لا ابدا حضرتك جيت في وقتك انا كنت زهقانه ومحتاجة حد اتكلم معاه حضرتك فاضي
امجد بضحك : ولو مش فاضي افضي عشان عيونك ( ثم اتحرج من كلامه معاها ) قصدي يعني عشان متقعديش لوحدك وتعيطي
هنا : فاهمه طبعا ها عرفني بقا عن نفسك اكتر لاني معرفش غير اسمك و مهنتك تقريبا
امجد : انا يا ست البنات اسمي امجد عاصم الشيخ عندي ٣٥ سنه ظابط شرطة عايش في القاهرة واهلي كلهم في الصعيد عندي بنت وولدين اخواتي بس اه منهم اتوفي
هنا : عندك اخت
امجد : اه يا ستي عندي بسمه جميلة كدا زيك هتحبيها أوووي لو شوفتها اتمني انك تشوفيها
هنا : دا شي يشرفني اكيد علي كدا مش متجوز
امجد : لا متجوز طبعا
هنا باستغراب : ايه متجوز
يدخل حسام علي امجد وهو يتحدث مع هنا : طيب معلش مضطر اقفل دلوقتي وهكلمك بعدين ولو عوزتي حاجة كلميني يالا باااي
بعد ما قفل امجد بداء حسام بتريقة علي امجد : ايه الحلو بيحب جديد ولا ايه طيب ياعم عرفني فرحني دا انا صاحبك اخوك حبيبك يا جدع تخبئ عليا انا برضو انا مكنش العشم يا ميجو
امجد بصوت عالي : ايه يا جدع ايه اللي جي في دماغك انت عبيط دي واحدة غلبانه بحاول اساعدها مخك ميروحش لبعيد
حسام : واحدة غلبانه تقفل معاها برضو اول ما ادخل عليك ماشي يا عم هصدق المهم جايبلك عروسة إنما ايه
امجد ضحك جامد : يادي النيلة اللي انا فيها اسيب ام امجد في البلد اجي الاقيها هنا والله عيب مين بقا العروسة
حسام : نوجا اخت مراتي بت أنما ايه حسب ونسب وجمال مفيش بعد كدا البت كان بقالي كتير مشوفتهاش شوفتها بقا لما اختها ولدت وكانت قاعده معاها قولت باااس البت دي عايزة اخويا وحبيبي امجد
امجد قام وقف : يا ابني افهم انت وامي انت مش هتجوز سيبوني في حالي فكك مني انت واخت مراتك انا ماشي عشان زهقت
حسام : انت كدا محدش يعرف ياخد معاك لاحق ولا باطل
(((بعد كذا يوم في الصعيد ))
بسمه بتحاول تراضي عاصم و فريال : بابا انا حزينه جدا انك صدقت عليا كدا
عاصم : مش موضوع صدقت موضوع هيا ليه هتكدب
بسمه : انتو عارفين كويس أنها بتكرهني من قبل حتي ما اخويا يتوفي
فريال : روحي يا بسمه شوفي محاضراتك هتتاخري
بسمه : تمام اهم حاجة متبقوش زعلانين مني باااي يا حبايبي
عاصم : خلي بالك من نفسك
عند هنا في غرفتها يرن هاتفها المتصل امجد : الو ازيك يا استاذ امجد
امجد : ازيك انتي مش سامع صوتك يعني
هنا : محبتش ادايق حضرتك والله اكتر من كدا
امجد : ابدا مفيش مدايقة بكون مبسوط لما بسمع صوتك بجد
هنا بكسوف: احم طمني عليك
امجد: بخير طول ما انتي بخير المهم عشان مطولش عليكي لاقيت ليكي شغل ممتاز في شركة واحد صديقي هتشتغلي سكرتيرة فيها ايه رايك
هنا : بجد شكرا ليك جدا
امجد : ممكن اقبلك بكرة نروح مع بعض شوفي الشغل
هنا : طبعا يا ريت
امجد ابتسم و سرح وكلم نفسه : ليه بقيت احس احساس غريب وانا بكلمها
هنا : استاذ امجد روحت فين انت معايا
امجد فاق من شروده : ها لا معاكي طبعا بس سرحت معلش المهم متتاخريش علي المعاد الساعة سبعه تمام.
هنا : تمام
امجد بطلاقيا : هتوحشيني لحد بكرة
هنا استغربت واتكسفت : أن شاء الله سلام ( هنا قفلت الهاتف وحطيته جنبها و سرحت في الماضي )
(((فلاش باك )))
هنا : بحبك بحبك يا معاذ
معاذ : بموت فيكي يا قلب معاذ
هنا : هتخطبني امتي
معاذ بتوتر : ها هكلم بابا يكلم عمي سامي طبعا انتي عارفة بابا وباباكي أصحاب قد ايه بس بابا اليومين دول مشغول مش اكتر يفضي ويكلمه اكيد
هنا : تمام انا لازم امشي عشان متاخرش وبابا يزعقلي
معاذ : ماشي يا حبيبي تعالي اوصلك لحد قبل البيت بشوية
هنا : لا مش لازم لأن بابا إبداء يشك
معاذ : ماشي يا حبيبتي خلي بالك من نفسك (( ثم سرح ) ) أما وريناكم انتي وابوكي يا بنت سامي
(((فلاش )))
هنا بدموع : انا ليه بيحصل كل دا فيا ليه
فجأة الباب اتفتح عليها
هنا بتمسح دموعها مسرعا وبتزعق : انت ازاي تدخل عليا كدا
مسعد : كنتي بتكلمي مين
هنا : امجد
مسعد : وتكلمي ليه من ورانا
هنا : هو اتصل فجأة والله بيقولي أنه لاقي شغل ليا وقفل علي طول وطلب مني اقبله بكرة
مسعد بابتسامه خبث : شكلك نهايتك قربت يا حضرتك الظابط
(((في الجامعة))
دخلت بسمه الجامعه لاقيت الاء أمامها تجاهلتها تماما جريت وراها الاء لكي تلحق بها : بسمه بسمه مالك في ايه سيباني وماشية ليه وليه مش بتردي علي تليفوناتي
بسمه : لو سمحتي ابعدي عني مش طايقة نفسي وقسما بالله
الاء : طيب قوليلي في ايه
بسمه : هقولك كلمه واحدة بس قولي للصايع بتاعك دا يبعد عني لما هعمله محضر عدم تعرض
الاء مش فاهمة : مين الصايع دا فهيني
بسمه : اللي اسمه معاذ دا ولا زفت ايه خلي يبعد عني ميكلمنيش تاني فاهمه ( ثم مشيت و سابتها حيرانه )
الاء بحيرة : هيا مشيت كدا من غير ما تكلمني ولا تفهمني حاجة كدا ليه ( ثم مسكت هاتفها ورنيت علي معاذ عددت مرات ولن يرد عليها ثم رد في الاخر رديت عليه الاء بعصبيه : ايه يا استاذ ايه مش بترد ليه ايه خلاص اتنسينا ولا مبقناش قد المقام
معاذ بقرف : في ايه يا وفاه بتتعصيي علي اللي خلفوني ليه هو انا فاضيلك عشان كل مترني اجري ارد عليكي واسيب اشغالي
الاء : ومال فاضي كل شوية ترن علي ست بسمه
معاذ باستغراب : بسمه هيا قالتلك ايه
الاء : بتقولك ابعد عنها لاحسن تحبسك
معاذ : هيا قالتلك كدا ماشي طيب احب اقولك مش عايز اشوف ولا اسمع صوتك اياكي ترني عليا تاني مش ناقصة قرف هيا ( ثم قفل في وسطها الهاتف )
الاء بتوعد : بقا كدا هوريكم
تاني يوم في المكان اللي هيتقابل في امجد وهنا كان يجلس امجد منتظر هنا بكل شوق اول ما دخلت عليه انبهر بجمالها و جمال لابسها وشعرها الناعم الحرير اول ما قربت منه هنا قال امجد : ايه الجمال دا بجد هو انتي بجد
هنا بكسوف : هو ايه اللي بجد
امجد بإعجاب شديد: جمالك دا بجد
هنا بكسوف أشد : شكرا علي مجامله الجميلة دي بجد
امجد : عايزة اتعرفلك بحاجة يمكن الكلام دا سابق لأوانه بس محتاج أقوله حقيقي
هنا : اتفضل قول
امجد : انا معجب بيكي جدا وحاسس احساس غريب ناحيتك حقيقي اول مرة أحسه
هنا : بس انا
امجد : مش محتاج اي رد فعل حاليا الايام هيا اللي هتثبت كل حاجة
هنا : طيب مش يالا اتاخرنا علي ميعاد الشركة
امجد بابتسامة: يالا يا ست البنات
بعد شوية وصلت هنا وعندنا دخلت الشركة تفاجات بشخص يقرب منها : ايه دا انتي ايه جابك هنا ازيك يا هنا عاش من شافك
هنا بصدمه نظرت لامجد
تعليقات: 0
إرسال تعليق