قصة عشق لا يرى النور
الفصل الثالث عشر
بقلم ميمو مصطفي
معاذ : والله العظيم اخر مرة هرخم عليكي انا متصل بيكي بس عشان اعرف اسمك بالكامل عشان هاجي اخطبك وعايز عنوانك بظبط
بسمه : اسمي وعنواني
معاذ : ايوا وبنت مين واهلك ايه
بسمه : بقولك ايه فكك مني بقا
معاذ : خلصي بقا انتي بقولك اخر مرة
بسمه بزهق : انا اسمي بسمه عاص ( ثم دخلت عليها جهاد فجأة فضطرت تغلق الهاتف مسرعا ) ازيك يا بسمه ( ثم بتريقة قالت : ايه يا موزة هو انا كل ما ادخل عليكي تقفلي التليفون بسرعه كدا متخافيش واعتبريني اختك ولا صحبتك ستر وغطا عليكي
بسمه بغيظ : عايزة ايه يا جهاد
جهاد بابتسامه صفره : هعوز منك ايه بس قولت اجي اشكرك
بسمه باستغراب: تشكريني علي ايه
جهاد : انك جيتي معايا ساعة احمد و معملتيش زيي واتبليتي عليا
بسمه بكيد : مفيش شكر على واجب دي تربيتي والتربية بتفرق طبعا
جهاد بغيظ : اكيد
(((عند حسام وأمجد )))
حسام بتوتر : الصراحة في حاجة شغله دماغي من ساعة ماكنا في الملهي
امجد : ايه هيا
حسام : البت اللي جت لينا قبل ما انت تمشي حاسس اني شوفتها في المستشفي لما قبلت البت بتاعت الحادثة اللي انت بتحبها دلوقتي
امجد برق : نفس احساسي لما شوفت البنت دي
حسام : يعني ايه معقول تبقي هيا صحبتها و شغاله كدا
امجد سرح وقال : معقول يكون دا صح انا اول ما شوفتها البت اللي في الملهي دي حسيت بكدا معقول شبها ولا متهيلقي ولا ايه الحكاية
حسام: ايه السرحان دا كله وصلت لفين
امجد : معاك بس مينفعش تقول الكلام دا هنا عمرها متصاحب الاشكال دي فعيب
حسام بيرجع بذاكرة وبيكلم نفسه وبيفتكر فيروز وهيا بتقول قصدك هنا البت هنا النونا
حسام بيحاول يستوعب بس مش قادر يتحدث لأجل حسام : هيا اسمها هنا صح
امجد بضيق: اه في مشكلة في الاسم كمان
حسام : لا ابدا بحاول افهم شكلك اديقت بس مش قصدي المهم ناوي علي ايه مع حمدي دا
امجد : هعمل ايه هياخد جزاؤه طبعا وهنجيب مسعد واللي زيه
(((في الصعيد )))
عاصم : هتعملي ايه
فريال : في ايه
عاصم : في التدبيسه اللي دابستيها لابنك دي
فريال : تدبيست ايه دي قصدك علي جوازه من جهاد
عاصم : ايوا يا ختي ايه العمل
فريال : العمل عمل ربنا ياخويا هتتحل وليه تدبيسه يعني مش فاهمه هيا جهاد وحشه ولا فيها حاجة تتعيب دا ابنك الله يرحمه كان بيموت في التراب اللي بتمشي عليه
عاصم : انا لا قولت وحشه ولا حلوة بس القلب وما يريد
فريال :: بس يخلص ام شغله اللي مش بيخلص خالص دا وبعد كدا نشوف هنعمل ايه
(((في الملهي دخل معاذ يسأل علي مسعد )))
سلوي بسعادة : اهلا اهلا معاذ بيه نورت المكان والله عاش من شافك
معاذ :: اهلا سلوي فين بابا
سلوي :: في مكتبه فوق
معاذ : طيب تمام ( ثم قابل في وجه هنا ابتسم ووقف يسلم عليها : اهلا يا هنا وحشتيني
هنا بخنقة وحزن ::اهلا بحضرتك عن اذنك
معاذ : استني هو دا ترحيب احنا بقالنا قد ايه متقبلنش كتير جدا صح
هنا بنرفزة : ولا عايزة اشوف ولا اقبلك انا اصلا نسيت شكلك
معاذ بابتسامه تريقة : مهو باين الصراحة انك نستيني فعلا
هنا نفخت ولأنها علي وشك الانفجار نظرت له بقرف ومشيت وسألته وهو ابتسم ودخل لمسعد : ازيك يا بوب
مسعد : قلب البوب طمني
معاذ : اطمن يا كبير ايه انت مش واثق في ابنك حبيبك ولا ايه
مسعد : لو مش واثق مكنتش خليتك قمت بلمهمه دي
معاذ بهزار : ايوا انا قولت لو مش واثق افكرك عملت ايه زمان
مسعد سرح بابتسامه : ها فاكر طبعا
(((فلاش باك )))
معاذ : خدي يا قلبي امضي علي الورق دا
هنا تنظر للورق : دا ايه دا
معاذ : ايه يا حبيبي دا مالك نسيتي ولا ايه دي اوراق هتحافظلك علي حاجتك ( معاذ يدعي الزعل ) لو قلقانه خلاص اكن مفيش حاجة حصلت
هنا بقلق : لا طبعا انت عارف انا بحبك قد ايه ووثقة فيك ازاي
معاذ بابتسامه: وانا بموت فيكي يالا امضي يا حبي
(((بعد حوالي أسبوعين )))
مسعد يذهب الي هنا في المنزل : ايه يا ماما هتفضلي قاعده كدا
هنا : قاعدة ايه مش فاهمه
مسعد : قاعدة من غير شغل
هنا : انا مش محتاجة شغل بابا الله يرحمه سايبلي اللي يكفيني واكتر ويعيشني ملكه
مسعد : ربنا يرحم ابوكي بس فين اللي سايبهولك ما خلاص انتي بيعتيلي كل حاجة
هنا بعدم فهم : بعتلك ايه انا مبيعتش حاجة انت هتجنن انت مجنون صح
معاذ تدخل مسرعا : انتي هتغلطي في أبويا يا هنا
هنا قربت من معاذ : انت مش سامع هو بيقول ايه
معاذ : طيب مهو عنده حق انتي كتبتلنا كل حاجة بيع و شراء فكرة الورق اللي مضيتي دي كان امضي بالبيع والشراء سهله اهي افتكرتي
مسعد : يالا خلصونا من الحوار دا المشتري الجديد هيوصل بعد شوية وعايز كل حاجة تبقي فاضية
هنا بدموع : ازاي انت يا معاذ انت انت يا اونكل طيب انا انا اروح فين اعيش ازاي
مسعد : تيجي عندي و تشتغلي معايا هو دا الحل الوحيد
هنا بدموع مستمرة : عندك واشتغل مش مصدقة اللي بيحصل ولا قادرة أصدقه
معاذ : خلاص مش وقته صعبنيات الناس جايه
(((باااااك )))
معاذ بضحك : كان حركة كانت البت هتموت فيها دي لسه مقابلها مش طايقة تشوف وشي بعد ما كانت بتعشق تراب رجليه
مسعد بضحكه عاليه و طويلة : يالا كانت ماتت وحصلت الحبايب المهم أنا عايزك تدمر الواد دا فهمني والبت هنا هدمر اخوه عشان نخلص بقا
معاذ : من عيوني
تاني يوم عند هنا في الشغل بتكلم امجد في الهاتف : بتحبني
امجد : تعرفي مكنتش اعرف يعني ايه حب عرفته علي ايدك انتي كل حاجة فيها احاسيس اتولدت علي ايدك انتي بحبك وبعشقك وبعشق اليوم اللي عرفتك في هيفضل محفور في كل حته فيا لحد ما اموت
هنا : بعد الشر عليك يا عمري كله انا اللي اتولدت من جديد علي ايدك نفسي اقولك حاجات كتير في قلبي وجعاني نفسي ارتاح
امجد : قولي يا حبيبتي اللي في قلبي قولي يا ملكة قلبي ايه اللي تعب قلبك
هنا بدموع بتحاول أنها ميبانش عليها في صوتها : انا بنسي اي حاجة لما بسمع صوتك أو اشوفك
امجد بحب : هنا انا دوبت
هنا : وانا عشقت و كل كلمه من جدران و اعماق اعماق قلبي
امجد : طيب انا معجون في الشغل وعندي قضية مطلعه عيني بس نفسي اشوفك لو لحظة وامشي انتي في الشغل
هنا : ايوا في الشغل وقربت اخلص اهو
امجد : طيب حلو اوي انا هحاول اخد بريك ربع ساعه اجي اخدك و اروحك البيت
هنا بتوتر : بيت ها لا مش هينفع حد يشوفنا مع بعض
امجد بديق : مين يعني هيشوفنا نفسي اعرف سكنه فين انتي بنت مين نفسي اعرف كل حاجة عنك مش عشان اعرف وخلاص لا نفسي ابقا كل حاجة في حياتك وابقي عارف كل تفصيله في حياتك مش اجباري بس نفسي في دا انا كل اللي عارفة اسمك بس معرفش حتي اسم باباكي
هنا اتنهدت :كله باوانه يا امجد كله باوانه هتعرف كل حاجة في وقتها اكيد متزعلش بس غصب عني
امجد : تمام انا هقفل دلوقتي عشان اشوف الشغل
((في الجامعه عند بسمه))
كانت تجلس بسمه تذاكر علي الكافتيريا دخلت عليها الاء بنرفزة : بقي انتي يا سهونه يطلع منك كل دا
بسمه نظرت لها ببرود : هو ايه اللي طلع مني
الاء بنرفزة اكتر : استعبطي يا اختي استعبطي ياما تحت السواهي دواهي علي راي المثل واللي تفتكرو موسي يطلع فرعون وعاملة نفسك غلبانه وانتي تعبانه
بسمه بحذر : الاء احترمي نفسك مش هسمح بي كلام من دا انا سكتالك بس مش هسكت تاني عماله ترغي ترغي وانا مش فاهمه حاجة ايه هما خدوهم بصوت ليغلبوكم لا يا ماما اهدي وشوفي رايحة فين مع سلامه يا حلوة
الاء : لا والله خوفت انا كدا صح بقا انتي يا هبلة تاخدي مني الواد و قال ايه عاملة فيها شيخة وعيب وحرام ومش عارف ايه وانا عبيطة و صدقتك صحيح دنيا
بسمه : وطي صوتك واد مين وبتاع ايه ايه القرف اللي بتتكلمي في دا انا مش زيك يا حلوة
الاء بضحكة تريقة : ها زيي فعلا انتي مش زيي انتي طلعتي اشطر مني عرفتي توقعي وتخلي هيجي يخطبك بس اهو لو الموضوع دا كمل سلام يا حلوة
بسمه عماله تنظر لها بغل وهيا ماشية : الله يخربيتك وبيت معاذ في وقت واحد
(((في القاهرة امجد يتحدث في الهاتف مع فريال )))
امجد بزهق : يا امي ازاي دا يحصل متقوليش ليا
فريال : هو انت فاضي لينا هو احنا بقينا في حسابك اصلا
امجد ::. يا امي بلاش الكلام دا انا فيا اللي مكفيني طيب متعرفوش راح فين
فريال : لا منعرفش وابوك مش سال في ولا أكن في ابن لي ساب لي ومشي انا تعبت والله تعبت
امجد : خلاص يا امي انا هتصرف
فريال : ماشي منشوف طيب وبنسبال لموضوع جهاد
امجد بخنقة : انا مش فاضي هكلمك تاني سلام
(((عند هنا تتحدث مع مسعد )))
مسعد : يعني مش شايف ولا سامع منك اي معلومه
هنا ::اعمل ايه يعني هو اصلا عمال يزن عايز يعرف عني كل حاجة حتي سكنه فين
مسعد بابتسامه خبث : امممم طيب وايه يعني متعرفي فين بيتك يا حلوة
هنا : ازاي
مسعد : هعمله احلي كمين في الدنيا
هنا بتعيط : بلاش عشان خاطري
مسعد بصوت جهوري : اتصلي بيه وقوليلو اللي هقولك عليه دا خلاص
بعد دقائق اتصلت هنا بامجد : ازيك يا حبيبي وحشتني
امجد بابتسامه : وانتي اكتر كنت لسه هكلمك
هنا بتكتم دموعها : حبيبي بقولك
تعليقات: 0
إرسال تعليق