رواية وقعت فى جحيم قلبه الفصل الثالث

وقعت في جحيم قلبه ♥️

بقلم ايمان هشام

الفصل:الثالث

منه بتحذير: متخرجوش من الاوضة والا هنطرد كلنا انا هروح اجبلكم لقمة ناكلها تمم

نورة:حاضر ي منه 

غادة بغيظ:طب يلا يختي عشان كلاب بطني بتاكل بعضها 

منه بضحك:طيب ي مفجوعه*خرجت منه وردت الباب وراحت المطبخ لقت سعاد قعدة بتاكل 

سعاد:كويس انك جيتي كنت هتغدي واجيلك حاتم باشا امر انك تصحية كمان ساعة متنسيش عشان انا ال باخد علي دماغي 

منه باحراج:هو اشتكي مني ولا ايه

سعاد:لا مين قال كده انتي بس اجتهدي وهترتاحي صدقيني

منه براحة:تمم انا محتاجة اكل ليا ول اخواتي 

سعاد بابتسامه: افتحي التلاجة وخدي ال عوزاه متتكسفيش*وسابتها وقامت مشيت جات وحدة صغيرة ف السن لمت الأطباق والحاجة ال اكلت فيها سعاد وحطتها ف الحوض ومسحت اديها وراحت عند منه وسلمت عليها بفرحة 

مي:ازيك انا اسمي مي ٢٤ سنة جديده مليش اسبوع هنا

منه بسعادة:اهلا بيكي انا اسمي منه الله انهاردة اول يوم ليا شغل 

مي بحماس: يبختك انتي شغاله عند البيه الكبير بنفسه 

منه باستغراب:ودي ايه الحلو فيها يعني انا شايفة ان الشغل عنده شخصيا صعب 

مي:صعب بس فلوسه حلوة بتاخدي اول الشهر ٥٠٠٠ واخر ونص الشهر زيهم بردو

منه بذهول:١٠٠٠٠جنيه ليه دا انا لو مهندسة بترول مش هقبض كده 

مي بضحك:عشان كده بقلك يبختك *وفضلو يضحكو ويتكلمو وسعاد بتتصنت عليهم من بره اتنهدت براحة وتأكدت ان منه دي غلبانه وسرحت فلاش باك(اول ما خرجت منه معيطة من

 أوضة حاتم وجريت لتحت حاتم كان قاعد علي سريره وبيدعك بصوابع ايده فوق عينه مسك تليفونه ورن علي سعاد 

سعاد تحت:ينهار اسود اكيد البت عكت الدنيا من اولها ي منه ...الو ي حاتم باشا 

حاتم:تعالي حالا*وقفل السكه طلعت سعاد وهي قلقانه خبطت سمحلها تدخل دخلت وردت الباب قربت عنده

سعاد بأدب:تحت امرك ي باشا 

حاتم بعصبية:مين جاب البلوة دي 

سعاد بتوتر:هي جات عشان تشتغل وشهاب بيه شافها وبعدين قالي اشغلها عند حضرتك 

حاتم بفضول:وايه خلاها تيجي تطلب شغل هنا 

سعاد بحماس:مامتها كانت شغاله عندنا ليها عشر سنين محدش شاف منها حاجة وحشة وبباها متوفي من زمان

 مامتها اتوفت من ٥ ايام مفضلش غيرها ومعاها اختين صغيرين وهي الكبيرة ف جات تشتغل مكان مامتها عشان تصرف علي أخواتها البنات

حاتم بتحذير:طيب شوفيلي معدنها ايه ومتقصريش معاها ف حاجة عشان لما تغلط اعاقب وانا مرتاح زي ال قبلها 

سعاد برعب:حاضر ي حاتم بيه حاجة كمان 

حاتم:قولي

سعاد بتوتر:زي ما قلتلك هي أكبر واحده وشغلها مانعها انها تروح يعني مش هتخرج غير لما حضرتك تأمر انها تسيب الشغل ف قالتلي علي أخواتها الصغيرين سمحتلها انها تجيبهم يعيشو معاها ف الاوضة وميحتكوش بحاجة ابدا وهيخرجو من باب الخدم 

حاتم بلا مبالاه:تمم مش مشكله بس لو اي غلطة منهم حصلت انتي ال هتتحاسبي

سعاد براحة:ان شاء الله مفيش غلط هما محترمين وهاديين اووي زي منه 

حاتم ببرود:تمم متجبلهاش سيرة علي ال حصل بيني وبينك وقوليلها بعد سعتين تصحيني يلا رودي الباب وراكي

سعاد :تحت امرك ي باشا *وخرجت وردت الباب ونزلت ولا كإن حاجة حصلت )رجعنا تاني بقا/خلصت منه الاكل ورصته علي الصنيه وخدتو لاوضتها خبطت فتحتلها غادة

غادة بنهم:فراخ وبشاميل الاكل ده ببلاش ولا محسوب من مرتبك 

منه بضحك: انتي مالك كلو واخلصو عشان نص ساعة وهصحي الباشا 

نورة بتهنك:الباشا ده ايه شغل الاستعباد ده

منه بتحذير:نورة احنا جايين ناكل عيش وبعدين يسلم انه مقعدنا سوا هنا وكمان اكل ببلاش و١٠٠٠٠جنيه كل شهر

نورة بصدمة:كاااام ١٠٠٠٠جنية كل شهر أحلفي طب شغليني معاكي 

منه بضحك: خليكي ف مذاكرتك انا مش عوزاكي خدامه زيي انا عاوزة اشغلك ف انضف بنك ف اسكندرية وانتي ي غادة

 شدي حيلك انا عاوزة السنه ال جاية مجموع محترم عشان اقدملك ف التمريض العسكري سامعه *الاتنين هزو رأسهم بسمع وطاعة وبعدين قعدو اكلو قامت منه وخدت الأطباق

 وودتها المطبخ خدتهم منها مي وغسلتهم طلعت منه لفوق ووقفت قدام الباب وخدت نفس وخبطت مفيش رد فتحت الباب براحه قالت إنه ممكن يكون نايم ومش سامع حاجة لقت الاوضة ضلمه اتنهدت 

منه بوشوشه:وده اصحيه ازاي طب افتح النور ولا الستاير ولا انادي من بعيد ولا أفضل اخبط علي الباب 

حاتم بزمجرة:خلاص صحيت غوري اعمليلي فنجان قهوة

 *اتنفضت منه لأن الاوضة ضلمه وكانت فكراه نايم 

منه بطاعة:تحت امرك ي باشا *وخرجت وردت البابقام حاتم بص ف الساعة لقاها ٣ العصر فتح الستاير ورجع قعد تاني علي السرير ومسك موبايله ورن علي شهاب

شهاب:ألوو ي حاتم

حاتم: أجل شحنة بكرة يومين كمان مش هندخلها عن طريق الساحل

شهاب باستغراب:ليه ده اكتر طريق آمن 

حاتم:انا متأكد ان جيمي عرف كل حاجة ومحمود البيوني كان بيصيع عليكم انت بس نفذ ال بقلك عليه لحد ما اشوف طريقة ادخل بيها البضاعة 

شهاب:تمم هأجلها يومين صحيح ايه اخبار الشغالة الجديدة 

حاتم بعصبية:زفت زيك جايبلي عيله متوهة انا ناقص لاء وكمان جايبة أخواتها الصغيرين فاتح حضانه هنا 

شهاب بضحك:طب ايه ال مصبرك مشيهم

حاتم بهدوء:باين عليها هبله وجبانه ومش هتقدر تلف وتدور عليا دي من أقل شخطة تعيط اومال لو وريتها العين الحمرا هتعمل ايه 

حاتم بحزن:انت مخليها عشان تذلها انت مشفتش شكلها دي زي الأطفال حرام عليك متقلش عليها 

حاتم ببرود:صحيح عملت ايه ف عيال الشغالة القديمه

شهاب:وديتهم ميتم وتكفلت بنفقتهم *خبطت منه علي الباب 

حاتم :ادخل....سلام*وقفل موبايله دخلت منه وحطت فنجان القهوة القهوة علي الكوميدينو 

منه بتوتر: محتاج حاجة تاني ي باشا 

حاتم: نضفي المكان 

منه:تحت امرك 

*قالتها وهي باصة ف الأرض قام راح للدولاب خد فالنه حمالات وفوطة وفنجان القهوة وطلع اتنهدت منه وروقت

 السرير وفتحت الدولاب روقته وفضت الطفاية من باقي عقاب السجاير وغسلتها وغسلت كبايات ال كان راكنها علي البار ومسحت مكانها ورصت كل حاجة ف مكانها لقت ساعته

 ومحفظته ونضارته السودة علي الكوميدينو مسكتهم وفتحت الدرج وحطتهم فيه جات تقفله لفت انتباها كيس ذهبي مستطيل كد كفة اديها شدته لقته مفتوح

منه:شكولاته وواكل منها طب يحطها ف التلاجة النمل ممكن يتلم عليها اممم بس باين عليها غاليه اووي*بصتلها وهي هتموت وتدوق حته بصت حوليها 

منه:مش هيحصل حاجة لو خدت قطمه صغيرة*قربتها من بقها وقطمت حته وبلعتها 

منه يتقزز:يععععع طعمها وحش اووي هي باظت ولا ايه 

حاتم:بتنيلي ايه*قالها وهو وراها وخطف منها الكيس 

منه برعب:انا والله ما كان قصدي بس النفس أمارة بالسوء وهي شكلها مغري *مسح حاتم ايده بوشه وهو علي وشك الانفجار 

منه بخوف:خلاص انا اسفة هجبلك واحده زيها اول ما اقبض بعدين دي شكلها بايظة طعمها وحش اوووي 

حاتم بزعيق:غورري من وشي حالا 

منه بعياط: ح حاضر *وطلعت تجري وقفلت الباب وراها ونزلت علي السلالم تعيط ودخلت المطبخ

حاتم رايح جاي ف الاوضة 

حاتم:البت دي مش متوهة بس دي غبية فكراها شوكلاته اما عيلة بصحيح..... امممم فكراها شوكلاته*قالها وهو بيفكر بشر مسك موبايله ورن علي شهاب 

شهاب:ألوو ي حاتم

حاتم:الحمولة الجديده هنجبها بر 

شهاب بخضة:بس ده خطر ي حاتم احتمال كبير نتمسك ونروح ف داهية

حاتم ببلؤم وعينه سودت: عندي فكرة*تحت قعدت منه ف المطبخ تعيط وتشهق قربت منها مي وحضنتها بخوف

مي:مالك ي منون ايه حصل الباشا طردك

منه بشهيق:ل لاء ه هو اصل انا 

مي بحنية:اهدي شوية دقيقة اجبلك مية *وسابتها وعبت كوباية مية وادتهالها وشربت منها 

منه بطفوليه: زعقلي جامد عشان كلت حته من الشوكولاته بتاعته وهي اصلا بايظة وطعمها وحش اوي وانا قلتله هجبلك غيرها بس هو زعقلي وقالي غوري من وشي

مي بفهم:هااا شوكلاته اممم انت بجد مش عارفة ايه دي

منه بعدم فهم:قصدك ايه يعني

مي بتهرب:لاء ولا حاجة بس يمكن عزيزة عليه وحد يعرفه اكل منها وهو حب يحتفظ بيها عشان يفتكره 

منه بفهم:ااااه وانا ال طلعت مفجوعه وكلت منها بس لو اعرف انها غالية عليه اووي كده كنت فكرت شويه الأول *ضحت

 عليها مي وفضلو يضحكو سوا ف إيطاليا ف ملهي ليلي قاعد جيمي علي انتريه وجنبه بنوته عسل وصحابه حوليه جه حارس من بتوعه جري ووقف جنبه شاور جيمي لصحابه ومشيو 

الحارس:سيدي لقد تم القبض علي محمود وقتله علي يد حاتم اصلان *كشر جيمي وبص ل كرستينا ال جنبه 

جيمي: دورك الآن لوليتا اعلم انكي ستنجحي بهذا 

كرستينا بدلع:حسنا لقد حكم علي نفسه بالهلاك  *وفضلو يضحكو 

                         الفصل الرابع من هنا