قصة : الحب مقامات
الحلقة الثامنة والتاسعة عشر
بقلم سهيله سعيد
جوري : الي هو ايه ؟!
الام : الولا ابراهيم فتح عليه ماطوة ؟
جوري ب توتر : هو الي مسك دراعي وعاوزني اركب معاه بالعافية 😕
( تقف چوري ، يبصلها ابراهيم )
الام ب انفعال : ازاي تسمحيله يعمل كدة الصايع دة 🤷🏻♀️
جوري : انتي بتلومي دة بدل م تلومي الاستاذ الي جاي يتبلطج عليا قدام كلييتي !!!!
الام ب انفعال : انتي ايه الي ممشيكي مع الولا دة اصلاً خلاص بقيتي صايعة زيوا مشيالي مع بلطجي !!!!
( تضايق چوري مش عارفة ترد ، تدمع عيونها )
الام : وربي ي چوري ل اربيكي من اول وجديد ع الفضايح الي عملهالنا دي والله ي چوري لما تجيلي اوعي تكوني مفكرة نفسك كبرتي عليا ومش هعرف احاسبك دة انا اكسر رقبتكككك 😡
جوري ودموعها بتنزل : انتي ليه بتعملي كدة ؟!!
( يتخض ابراهيم لما يشوف دموعها )
جوري : ليه كدة ليه عاوزة تتعبيني انا اهم عندك ولا ابن صاحبتك 😥
الام : انتي خلاص مخك فوت وتربيتك بقت نيلة عشان مدياكي حرييتك وكل م اتكلم معاكي ابوكي يقولي تعبانة وزفت لأ اولعي ب جاز اولعي 😡
( تقفل ف وشها ، يذيد عياط چوري )
ابراهيم : چوري .. جوري اهدي طيب !!!
چوري ب عياط : انا تعبانة انا تعبانة 😣
ابراهيم : طب ممكن تهدي م هتتعبي فعلاً بطلي عياط طيب 😕
( جسمها يترعش )
چوري : روحني .. روحني 🤦🏻♀️
ابراهيم ب قلق : طيب حاضر
( يشاور ل تاكسي ، يقف ، تركب چوري ويركب جنبها ، يمشي التاكسي ، ف الطريق ، چوري مغمضة عيونها وعمالة تترعش )
ابراهيم : چوري .. چوري
( تبصله )
ابراهيم : بتترعشي كدة ليه انتي سقعانة ؟!!!
( تشاورله ب اة ، يستغرب والجو حلو ، يقفل الشباك )
ابراهيم : نروح مستشفى ؟
( متردش ، تذيد الرعشة )
ابراهيم ل السواق : بقولك وديني اقرب مستشفى !!!
السواق : اوك
ابرهيم وهو بيطبطب ع دراعها : چوري !!!
( تقلب الرعشة ل تشنجات ، يتخض ابراهيم )
ابراهيم وهو بيمسك دراعها : چوري .. چوري مالك !!!!
السواق : هي عندها صرع ؟!!!
ابراهيم ب خضة : صرع ايه لأ معرفش 😕
( يحاول ابراهيم يهديها )
ابراهيم : سرع شوية ي عم انتااااا 😧
( مش عارف ابراهيم يسيطر عليها ، يحضنها جامد )
ابراهيم ب انفعال ع السواق : بسرعاااا 😡
( بعد دقايق ، تهدى چوري لكن مغمى عليها ف حضن ابراهيم وهو ميت م الخوف ، يوصلوا قدام المستشفى ، ابراهيم يحاسب السواق وينزل يلف ناحية چوري ، يشيلها ويدخل بيها المستشفى )
ابراهيم : حد يلحقني بسرعاااا
( يجروا عليه )
الدكتور : تعالى تعالى 🏃🏻♂️
( يروح ورا الدكتور يدخلها الطوارئ ، يحطها ع السرير )
الدكتور : استنى برة
( يقف ابراهيم برة مصدوم م الي حصل ، يقرب عليه السواق )
السواق : شنطة الانسة
( يديله شنطة چوري وفونها عمال يرن ، يطلعه يلاقيه بباها )
ابراهيم : الو
الاب ب استغراب : مين معايا ؟!!!
ابراهيم : انا ابراهيم ي عم كنان
الاب : هيمااا ازيك ي حبيبي ؟
ابراهيم : الحمدلله
الاب : اومال فين جوري ؟!!
ابراهيم : تعبت اوي وجبتها المستشفى
الاب ب خضة : تعبت مالها حصل ايه ؟؟!!!!!
ابراهيم : نزلت عليها رعشة جامدة وبعدين بقت تتشنج كدة واغمى عليها
الاب : ي نهار ابيض انتوا ف انهوا مستشفى ي ابراهيم ؟؟
ابراهيم : مستشفى ***** الي قرب الكلية بتاعتها
الاب : طب هو حد زعلها حصل مشكلة ولا جرا ايه ؟؟
ابراهيم : هي اتكلمت مع خالتي ف الموبايل وشدوا مع بعض وبعد كدة حصل الي حصل دة 😕
الاب ب فهم : اااه .. طيب انا جاي اوعا تسيبها خليك معاها لحد م اجي ☝️
ابراهيم : معاها اكيد
الاب : سلام
( يقفل الاب ، يتنهد ابراهيم ، بعد شوية ، يخرج الدكتور )
ابراهيم : دكتووور
الدكتور : ايوة ؟
ابراهيم : چوري عاملة ايه ؟
الدكتور : انت تعرفها ؟
ابراهيم : ايوة انا ابن خالتها
الدكتور : فين مامتها او بباها طيب ؟
ابراهيم ب قلق : ابوها جاي ف السكة طمني طيب 😕
الدكتور : هي جالها نوبة صرع
ابراهيم ب خضة : صرع !!!!!!!
الدكتور : انتوا متعرفوش ؟!!
ابراهيم : ااا انا معرفش لكن اكيد ابوها يعرف 😐
الدكتور : عشان كدة اول م يوصل خليه يجيلي مكتبي قوله اسأل ع دكتور محمد اكرم عشان لو مكانش يعرف افهمه يعمل ايه
ابراهيم : ماشي حاضر .. هي كويسة طيب ؟
الدكتور : دلوقتي كويسة اة
ابراهيم : طب ينفع ادخلها ؟
الدكتور : اة ينفع .. بعد اذنك
ابراهيم : طيب
( يمشي الدكتور ، يدخل ابراهيم ل چوري ، نايمة ع السرير بس مفتحة عيونها ، يقرب عليها )
ابراهيم : ايه ي باشا كدة تخضنا عليك 🤷🏻♂️
جوري ب احراج : انا اسفة والله مش عارفة اقولك ايه 😟
ابراهيم وهو بيقعد قصادها : انا الي اسف انا السبب انك تعملي مشكلة مع خالتي !
جوري ب تنهيدة : خالتك مفيش حاجة مبتتشاكلش عليها 😑
ابراهيم : شكلها كدة .. الف سلامة عليكي
جوري : الله يسلمك يارب .. كويس انك كنت معايا اصلاً انا ساعات بتعب وانا لوحدي والناس بتخاف تقرب مني 💔
ابراهيم : عشان مش فاهمين انتي عندك ايه بس !
جوري : وانت كنت فاهم ؟
ابراهيم : لأ !
جوري : ومع ذلك مخفتش مني
ابراهيم : ربك بيسترها 🙂
جوري : صح
ابرهيم : متزعليش مني اني حضنتك بس انا مكنتش عارف المفروض اعمل ايه
جوري ب احراج : انت حضنتني ؟!!!
ابراهيم : اة
جوري : انا محستش صراحة انك حضنتني !!!!!
ابراهيم : لما فضلتي تتشنجي كدة خفت تتخبطي ف العربية ف حاولت اسيطر عليكي
جوري : كتير بتعور وبتخبط لما تجيلي النوبة .. دة كدة جاتلي الاول ب الرعشة ساعات بقع فجأة
ابراهيم ب خضة : ي نهار اسود دي مصيبة !!!!!
جوري : فعلاً 😅
ابراهيم : طب وملهاش علاج ؟؟
جوري : ليها وباخده بس نفسيتي اما بتبقا وحشة بتجيلي الاعراض تاني
ابراهيم ب فهم : اااه !
( يسكتوا )
ابراهيم : بباكي اتصل وقلتله
جوري : لا والله !!!
ابراهيم وهو بيطلع فونها من جيبه : اة وموبايلك اهو 🤳🏻
جوري وهي بتاخده منه : شكراً
ابراهيم : العفو
( بعد شوية ، توصل مامة چوري )
الأم وهي داخلة : كل شوية اتهزق بسببك انا كل شوية 🤷🏻♀️
( يقف ابراهيم )
جوري : انا عملت حاجة 😕
الام : لا انا ي ستي الي بعمل كل حاجة وكل مصيبة
( تتنهد چوري ومتردش )
ابراهيم : اهدي ي خالتي !!
الام ل ابراهيم : وانت ايه الي انت عملته دة ؟!!!!
ابراهيم ب انتباه : انا !!!
الأم ب انفعال : ايوة انت خلاص خديجة معرفتش تربيك بترفع مطاوي ع الناس ف الشارع 😠
جوري : ماما ...........
الام : اخرسي انتي ☝️
ابراهيم : انا كنت عاوز احميها بس !
الام : تحميها من ايه ؟!
ابراهيم : من ايمن دة
الام : ليه هو انت مفكره شبهك
( يتحرج ابراهيم )
جوري : ماما ميصحش كدة 😕
الام : قلت اخرسي انتي مهو كل القرف دة بسببك 🤷🏻♀️
ابراهيم ب ضيق : ع العموم ي خالتي معلش مقصدتش اعملكوا مشكلة 😒
الام : اولاً متقوليش ي خالتي ثانياً كان لازم تفهم انك واقف مع بنت ناس محترمة والجامعة كلها عارفة كدة وعارفة هي بنت مين زمان سيرتها بقت ع كل لسان دلوقتي بسبب صياعتك ☝️
ابراهيم ب تنهيدة : اسغفر الله العظيم 😑
جوري : بطلي بقااا 😧
( يدخل ابوا چوري )
الاب : صباح الخير
ابراهيم : صباح الخير
الاب وهو بيسلم ع ابراهيم : ازيك ي ابراهيم عامل ايه 👋
ابراهيم : ازيك ي عم كنان 👋
الاب : بخير ي بني
الام : قدام ابوها اهو ملكش دعوة ب بنتي تاني ☝️
الاب ب استغراب : في ايه ي ايمان ؟!!!
الام : الاستاذ رفع ماطوة ع ايمن
الاب ب خضة : ايه ليه ؟!!!!
الام : عشان جه وكان عاوز يتكلم مع چوري عند الكلية 💁🏻♀️
جوري : لا محصلش كدة ☹️
الام وهي بتبص ل چوري : اومال ايه الي حصل ي هانم ؟
جوري : ابراهيم كان مستني اطلع م الكلية عشان يوصلني لاني مكنتش واخدة العربية وانا طلعت وهو كان جاي وشافني ايمن وصمم اني اركب معاه عربيته عشان نتكلم وانا مكنتش عاوزة ولما رفضت مسك دراعي جامد وعاوزني اركب معاه غصب عني ف شافه ابراهيم اتعصب عليه دة كل الي حصل ومفتحش مطاوي ع حد دة بيحور 😐
الحلقة العشرون { ٢٠ } 🍂
( يبصلها ابراهيم ب استغراب )
الام : لا مبيحورش ايمن مش هيكدب 🤷🏻♀️
جوري : يعني هتكدبي ابن اختك وتصدقي ايمن وبعدين انا الي كنت موجودة مش انتي
الاب ل الام : هو الولا دة عاوز ايه منها مش خلصنا وفسخنا الخطوبة !!!!!
الام : ي سيدي عاوزها وشاريها وبنتك الي مكبراها عليه
الاب : تكبرها براحتها الجواز مش بالعافية فهميه يبعد عن بنتي احسنله بدل وربي هتصرف انا بنفسي مع اهله ☝️
( متردش الام وتضير وشها ، يبتسم ابراهيم ويحط ايده ف جيبه )
الاب ل چوري : عاملة ايه دلوقتي ي قلبي ؟
جوري : احسن الحمدلله
الاب : الحمدلله
ابراهيم : الدكتور كان طالب يشوفك
الاب ب قلق : ليه في حاجة ؟!!
ابراهيم : لأ بس قالي اقولك تروحله اسمه محمد اكرم
الاب : طيب هشوفه
( يمشي الأب )
الام ب حدة : قالك هتخرجي امتى ؟
جوري : لأ 😒
ابراهيم ل چوري : هشرب سيجارة برة وجاي
جوري : اوك
الام : روح انت تعبناك
ابراهيم : لا مفيش تعب ولا حاجة 😐
( لسة هيمشي .............. )
الام : ع فكرة
( يبصلها )
ابراهيم : موضوع الماطوة دة انا ليا كلام مع امك فيه لتكون مفكر اني مصدقة الي الهانم دي قالته
( يتنهد ابراهيم )
ابراهيم : ياريت والله تكلمي امي .. صوتك بيوحشها 😒
( يمشي ابراهيم )
الام : قليل الأدب 😤
جوري : انتي ليه بتعامليه كدة !!!!!
الام : عوزاني اعامله ازاي يعني دة صايع 🤷🏻♀️
جوري : لولاه كان الله اعلم حصلي ايه 😕
الام : هيحصلك ايه يعني !
( تتنهد جوري ب ضيق ومتردش ، ابراهيم واقف برة بيشرب سيجارة ، يقرب الاب )
ابراهيم : في حاجة ؟!
الاب : لا بيتأكد اننا عارفين ب مرضها
ابراهيم : اة
الاب : انت مكنتش تعرف صح ؟
ابراهيم : لأ !
الاب : امها خبت الموضوع عن كل الناس .. كأنه مرض معدي 🤦🏻♂️
ابراهيم : ممكن خايفة عليها بس
الاب : خالتك مبتخافش غير ع نفسها وشكلها .. ربنا يصبرني عليها 😑 انت بتدخن ؟
ابراهيم : اة !
الاب وهو بيحط ايده ع كتف ابراهيم : لا دة احنا ننزل الكفتريا بقا
ابراهيم : ماشي 😄
( ينزلوا كفتريا المستشفى يشربوا قهوة وسجاير ، فوق ، نايمة چوري ومامتها قاعدة ماسكة الفون ، يرن فونها )
الام : الو .. ايه ي ايمن .. تعبت شوية .. لا بقت كويسة دلوقتي .. ايوة .. انا عارفة .. لسة مهزقاه والله .. ماشي هبقا اكلمك .. اوك سلام
( يعدي اليوم وتروح چوري البيت ، ف بيت سوما ، يخبط باب الشقة ، تلبس سوما طرحتها وتفتح )
سوما : حج اسماعيل اتفضل !
اسماعيل : الله يخليكي ي بنتي مفيش داعي
سوما : بكرة ب اذن الله هيكون الإيجار عندك
اسماعيل : لا انتوا بكرة ب اذن الله تكونوا سايبين الشقة
سوما ب خضة : ايه ليه ؟!!!!
اسماعيل : معلش ي بنتي .. دة مبلغ التأمين بتاعكوا اهو وتفضولي الشقة بكرة انا مش هجدد العقد تاني 😕
سوما ب فهم : هيما المغربي الي قالك كدة صح 😟
اسماعيل : ي بنتي الله يكرمك انا راجل كبير ومش حمل مشاكل بكرة تفضولي الشقة .. عن اذنك 🚶🏼♂️
( يمشي ، تقفل سوما الباب ، تاني يوم ، ابراهيم قاعد ع قهوة بيتكلم ف الفون )
ابراهيم : بقيتي احسن ؟
جوري : اة بكتير
ابراهيم : امك كلمت امي
جوري ب استغراب : كلمتها بجد ؟!!!
ابراهيم : اة
جوري : قالتلها ايه ؟؟
ابراهيم : اني صايع ومعرفتش تربيني واني ابعد عنك عشان هشبهك
جوري ب ضيق : ايه الكلام دة بس 😕
ابراهيم : ومقربش منك ابداً والا هتتصرف معايا تصرف مش هيعجبني
جوري : خالتوا اتضايقت طبعاً
ابراهيم : اكيد اة بس انا فهمتها حصل ايه وكدة
جوري : وقالتلك ايه ؟
ابراهيم : قالتلي ابعد عنك لو هأذيكي .. عشان انتي متستاهليش كدة وانها بتحبك وخايفة عليكي
جوري : خايفة عليا منك ؟!!!!
ابراهيم : م المشاكل الي خالتي عاوزة تعملها معايا لو قربت منك تاني
جوري : انا قلتلها كذة مرة انها مهما عملت مش هتعرف تبعدني عن اهلي ف براحتها بقا 🤷🏻♀️
ابراهيم : يعني مش هتبعدي زي مهي قالت ؟؟
جوري : لا طبعاً مش هبعد
( يلمح ابراهيم سوما واختها ماشيين ف الشارع ومعاهم شنط ، تبصله سوما وعيونها كلها دموع ، يبصلها ب جمود )
زمردة : م اروح اتأسفله يمكن يخلينا نرجع 😟
سوما : انسي .. لو اتنططنا قدامه مش هيخلينا نرجع 😒
زمردة : هنروح فين بس !!
سوما : زي م رجلينا تودينا
( تعدي الايام وچوري وابراهيم بيتكلموا ف الفون ، چوري ف اوضتها قاعدة ع السرير ماسكة كتاب بتقراه ، يرن فونها ، تلاقيه ابراهيم ، تبتسم )
جوري : الو
ابراهيم : صباحووو ي برنسيسة
جوري ب ابتسامة : صباح النور 😊
ابراهيم : صاحية ولا صحيتك ؟
جوري : لا لأ صاحية من بدري
ابراهيم : طب مرنتيش عليا ليه ؟!
جوري : خفت تكون انت الي نايم عشان كنت سهران امبارح ف الشغل
ابراهيم : اه م انا لسة صاحي
جوري : اهاا رايح الشغل دلوقتي ؟
ابراهيم : اة بس كنت عاوز اديكي حاجة قبل م امشي
جوري : حاجة ايه ؟؟
ابراهيم : ينفع اجي اديهالك من ع الباب كدة ؟
جوري : اة ينفع ماشي
ابراهيم : طيب هقوم البس واما اجي هتصل بيكي تطلعيلي
جوري : ماشي
ابراهيم : سلام
جوري : باي
( تقفل چوري وتبتسم ، ف منطقة ابراهيم ، تقرب يارا ع الصيدلية )
يارا : سلامو عليكم
حسن ب ابتسامة : عليكم اىسلام 🙂
يارا : كنت عاوزة اي مسكن يكون قوي
حسن : ل ايه ؟!
يارا : تيتة ضهرها واجعها اوي
حسن : لا الف سلامة عليها
يارا : الله يسلمك
حسن : بس انا مقدرش اديها حاجة اقوى م البنادول عشان هيبقا غلط عليها مدام مش الدكتور الي قايل 🤷🏻♂️
يارا : بس دة ضعيف اوي ي دكتور 😕
حسن : معلش دة أأمنلها لحد م تودوها ل دكتور
يارا : طيب اوك
( يجيبهولها )
حسن : دة قرص ٣ مرات ف اليوم بعد الأكل ✍️
يارا : تمام .. كام ي دكتور ؟
حسن : خليها علينا
يارا : الله يخليك كام ؟
حسن : خلاص والله مفيش حاجة
يارا : لا بجد قول !
حسن : يبقا هيما اي وقت يعدي عليا متشغليش بالك 🙂
يارا ب احراج : شكراً ي دكتور 😅
حسن : العفو .. الف سلامة ع تيتة
يارا : الله يسلمك عن اذنك
حسن : اتفضلي
( تمشي يارا ، يفضل حسن باصصلها ومبتسم ، يعدي الوقت ، يرن فون چوري )
جوري : الو
ابراهيم : انا قدام البيت برة
جوري : اوك انا طلعالك
ابراهيم : طيب سلام
( تقفل چوري وتطلع من اوضتها ، تنزل تحت تفتح باب الڤيلا وتطلع ع البوابة برة ، واقف ابراهيم )
جوري ب مرح : مرحبااااا 😁
ابراهيم : مرحبااا يختي 👋
جوري وهي بتسلم عليه : ههههه تعالي 😄👋
ابراهيم : لا يابا ورايا شغل بس قلت اديكي الحاجة دي قبل م امشي
جوري ب فضول : اه حاجة ايه بقا ؟؟
( يديها شنطة كبيرة )
جوري : ايش هذا ي ابراهيم 🤨
ابراهيم : افتحيها
( تفتح چوري الشنطة ، تلاقي لوحة بيضة كبيرة والاستاند بتاعها )
جوري ب صدمة : ايه دة .. احيه الله 🥺🧡
ابراهيم : ههههههه 😄
جوري ب فرحة : الله بجد 🥺
ابراهيم : وفي علبة الوان جوة وفورش 🎨🖌️
جوري : ي ربي انا مش عارفة اقولك ايه انا بعشق الي بيجيبلي اي هدية تخص الرسم ♥️
الفصل العشرون من هنا
تعليقات: 0
إرسال تعليق