قصة : الحب مقامات
الحلقة الثانية والثالثة والعشرون
بقلم سهيله سعيد
ابراهيم : ماشي مفيش مشكلة خدي وقتك بس لو هتعملي كدة بجد مش مهاودة 💁🏻♂️
جوري ب عدم فهم : لأ مش فاهمة معلش !!
ابراهيم : يعني انتي عاوزة وقت عشان فعلاً تعرفيني اكتر ولا عاوزة تقولي لأ ومحروجة ف بتديني انا مهلة عبال م تعرفي هتقوليهالي ازاي 🤷🏻♂️
جوري : ههههه لا ي ابراهيم مش كدة انا لو مش حابة الموضوع هقولك من حالاً انك زي اخويا 🙂
ابراهيم ب ابتسامة : يعني انتي حابة الموضوع ؟؟
جوري ب احراج : خلاص بقاااا 😅
ابراهيم : بتكلم جد .. ريحيني وحيات ابوكي 😕
جوري : انت الف بنت تتمناك ي ابراهيم
ابراهيم : وانتي ؟؟
جوري : اعتبرهم الف وواحد ♥️
( يبتسم ابراهيم )
ابراهيم : وانا مش عاوز غير الواحد دة ♥️
جوري : ماشي 😊
ابراهيم : بس انا عاوز اقولك حاجة عشان تحطيها ف دماغك بردوا وانتي بتفكري
جوري : ايه ؟؟
ابراهيم : دة انا ودي حياتي .. يعني مش انا بطل القصة الي هتسجن واطلع مصاحب رئيس عصابة يغنيني ويشغلني معاه .. ولا بردوا الي هيورث عمه الي ف كندا .. انا دة حالي ومش هيتغير .. هتقبلي بيه ي بنت الناس هحطك فوق راسي وهعمل الي اقدر عليه عشان اسعدك واخليكي احسن الناس وملكة عليهم .. حاسة انك مش هتقدري ع كدة ومش هتستحملي عيشة واحد زيي قولي من دلوقتي عشان متتصدميش بعدين وتندمي .. ف فكري ف دة اهم من اي حاجة تانية 😐
جوري ب فهم : انا فهماك وفاهمة انت عاوز توصلي ايه بس انا عاوزة اقولك ان مش عشان اهلي ظروفهم مختلفة عنك او اغنية بمعنى اوضح ان اي حد تاني ظروفه ابسط يبقا اقل منهم او مني دة مش صح .. انت تقدر تعلى ف نظري ب حاجات تانية خالص غير الفلوس ي ابراهيم .. كفاية اني شيفاك راجل واد المسؤلية وحنين ع اهلك .. الحاجات دي عندي اهم بكتير م الفلوس صدقني 💁🏻♀️
ابراهيم ب ارتياح : ربنا يريح قلبك ي شيخة 😅
( تبتسمله )
انفال ب صوت عالي : ايه ي حلوين نقرا الفاتحة ولا ايه 🤷🏻♀️
الكل : هههههه 😄
ابراهيم : لا لسة شوية
علي : شكلنا هنقراها بجد !!
ابراهيم : ادعيليييي 😊
( داليا ع اخرها ، تقوم تقف )
داليا : انا هنزل عشان ماما 😐
انفال : م لسة بدري !!!
داليا : تصبحوا ع خير 😒
( تمشي داليا )
علي ب استغراب : هي مالها !!!!!
انفال : مش عارفة 🤷🏻♀️
يارا وهي بتقوم : وانا هدخل انام
( يبصلها كريم )
انفال : اقعدي انتي كمان البت تطلع تلاقيكوا مشيتوا عيب كدة !!!!
يارا : طيب 😒
( يدخلوا چوري وابراهيم )
علي : ايه ي جدعان 🤷🏻♂️
ابراهيم : ايه ي عم في ايه 🙄
علي : لا مفيش حاجة خالص !!
جوري : انا همشي بقا الوقت عدى وسرحت
انفال : طب م تباتي معانا انهاردة
جوري : لا عندي كلية والله ي انفال ومعملتش حسابي مرة تانية ب اذن الله
انفال : ماشي ي قلبي هنستناكي يوم تبيتيه معانا
جوري : ب اذن الله حاضر
( تسلم عليهم )
ابراهيم : هوصلك
جوري : اوك
( تنزل چوري ووراها ابراهيم ، تسمعهم داليا نازلين ع السلم ، تجري ع البلكونة تبص منها ، تقرب چوري ع عربيتها وتقف ويقف قصادها ابراهيم )
جوري : اليوم كان جميل انهاردة انا مبسوطة اوي اني قعدت معاكوا ♥️
ابراهيم : يارب دايماً تعالي كل يوم واحنا نبسطك كدة ي عم 🙂
جوري : ياريت والله اقدر اجي كل يوم 🤷🏻♀️
ابراهيم : صحيح انتي عارفة ان ليا شقة ف العمارة هنا ف الدور الرابع
جوري : لا مش عارفة !
ابراهيم : لا شقتي هنا الي المفروض اتجوز فيها
جوري : اة 😅
ابراهيم : بس لما الدنيا تمشي تمام يعني وحبيتي نبيعها وناخد اي بيت تاني برة نبيعها
جوري : مين قالك اني هحب كدة انا بحب العيلة واللمة ولما نبقا سوا انا هحب اكون وسط اهلك لانهم اهلي وبعدين انت الولد الوحيد ومينفعش تبعد عن مامتك واخواتك البنات
( يبتسم ابراهيم )
ابراهيم : تعرفي احلى حاجة ف الي انتي قلتيه دة ايه ؟
جوري : ايه ؟
ابرهيم : كلمة لما نبقا سوا .. مقلتيش لو بقينا سوا
جوري : هتفرق ؟!
ابراهيم : اوي
جوري ب استغراب : ازاي بقا ؟!!!
ابراهيم وهو بيحط ايده ف جيبه : كلمة لو .. يعني احتمال ومش كبير كمان .. اما لما دة يعني هيحصل ب اذن الله
جوري : اديك قلت ب اذن الله وسيبي امشي بقا عشان انت اخرتني ي ابراهيم 🤷🏻♀️
ابراهيم : ماشي 😄
( تضغط ع ريموت العربية ، يفتحلها الباب ، شيفاهم داليا من فوق هتفرقع )
جوري : باي 🙂
ابراهيم : باي 🙂
( تمشي چوري ، يرجع ابراهيم البيت ويطلع ، يلاقي داليا ف وشه ع السلم )
ابراهيم ب خضة : يخربيت اهلك 😑
داليا وهي بتربع ايدها : سلامتك م الخضة
ابراهيم : انتي ايه الي نزلك مش كنتي قاعدة معانا !!!
داليا ب تريقة : اتخنقت م القاعدة وبعدين الي يسمعك كدة يقولك انك كنت قاعد معانا اصلاً ومش مستفرد بالست چوري 💁🏻♀️
ابراهيم : دي تريقة بقا !!!!
داليا : لاااا لسمح الله وانا اقدر اتريق بردوا ع چوري هانم .. كنتوا بتعملوا ايه بقا ف البلكونة كنت بتوصفلها فين شركة الكهربا من فوق 😏
ابراهيم ب حدة : مالك ي بت في ايه م تتظبتي ع المسا بدل م اظبتك !!!
داليا : لا انا مظبوطة كويس ي هيما .. اتظبت انت بقا عشان دي ولا شبهنا ولا مننا ولا تنفعك م الأخر 🤷🏻♀️
ابراهيم ب فهم : ااااه .. انتي غيرانة منها بقا 🙂
داليا : انا مش غيرانة من حد انا خايفة عليك منها
ابراهيم ب ضحك : ليه هي البت بتعض 😆
داليا : اة بتعض ي هيما وعضتها والقبر اسمع مني
ابراهيم : تعرفي المصيبة اني واقف بسمع منك فعلاً .. اطلعي اتخمدي !
داليا : ان ..........
ابراهيم ب زعيق : اطلعيييي 😠
( تتخض داليا وتطلع بيتها ، يقف ابراهيم متضايق من كلامها ، بعد شوية ، ابراهيم ف اوضته بيتكلم ف الفون )
جوري : الو
ابراهيم : وصلتي ؟
جوري : اة لسة داخلة اهو
ابراهيم : طب يلا روحي غيري هدومك واتعشي
جوري : اوك !!
ابراهيم : سلام
جوري : سلام 😕
( تقفل چوري وهي مستغربة تلخيص ابراهيم ف الكلام ودة مش من عادته ، تخبط انفال ع اوضة ابراهيم )
انفال : هيما صاحي ؟
ابراهيم : خشي
( تدخل انفال )
انفال : قولي عملت ايه بقا ؟
ابراهيم : قلتلها
انفال : وقالت ايه ؟؟
ابراهيم : عاوزة فرصة ناخد ع بعض الاول
انفال : طب دي حاجة كويسة يعني عندها قبول ل الموضوع مرفضتش 🤷🏻♀️
ابراهيم وهو بيضير وشه : اة 😒
انفال ب استغراب : طب وانت مالك زعلان ليه ؟!!!
ابراهيم : لا مش زعلان
انفال : اومال في ايه مالك ؟!!!
ابراهيم : البت داليا قابلتها ع السلم لما كنت بوصل چوري وقعدت تقول كلام يسم البدن !!
انفال : كلام ايه الي قالته الدبش دي 😐
( يقولها الي قالته )
انفال : ي حبيبي انت مش فاهم دي غيرة بنات
ابراهيم : طب بتغير منها ماشي بتدخلني انا بقا ف الحوار وعاوزة تبعدني عنها ليه ؟!!!!
انفال : انت كل دة مش فاهم ي ابراهيم داليا عينها منك
ابراهيم ب خضة : مين دي الي عينها مني انتي هبلة !!!!!
انفال : والله عينها منك ومن قبل م چوري تظهر بس انت الي مكنتش واخد بالك منها ودايماً بناخد تصرفاتها ع انها هزار لكن هي بجد وطالعة من قلبها 🤷🏻♀️
ابراهيم : عمر م فكرت فيها كدة ابداً 😕
انفال : عشان هي مش ف بالك بس
ابراهيم : يعني الي بتعمله دة مش غيرة من چوري بقا دي غيرانة عليا انا !!!!
الحلقة الرابعة والعشرون { ٢٤ } 🍂
انفال : بالظبط كدة
ابراهيم : بس انا حتى لو مكنتش عرفت چوري كنت عمري م هفكر فيها ك حبيبة او زوجة لان بنات البيت كلهم زيهم زيكوا بالنسبالي كلهم اخواتي !!
انفال : م انت حاول بقا واحدة واحدة توصلها دة بالراحة كدة وهي هتفهم
ابراهيم : وانا لسة هوصل واركب 🙄
انفال : معلش خلي بالك طويل 😄
ابراهيم ب تنهيدة : ماشي 😑
( بعد اسبوع ، چوري واقفة مع ابراهيم جنب عربيتها ف الشارع ، يرن فون چوري )
جوري : دي سلمى هطلع بقا زمانهم مستنيني
ابراهيم : هتخلصي امتى ؟
جوري : ساعة بس هقعد معاها شوية عشان تعبانة وهمشي
ابراهيم : طيب ساعة وهتلاقيني عندك بيتها قريب م الشغل هستأذن واجي اوصلك
جوري : م تخليك طيب م العربية اهي
ابراهيم : معلش متمشيش لوحدك
جوري : مش عاوزة اتعبك بس 😕
ابراهيم : يابا تعبك راحة ♥️
جوري ب ابتسامة : ماشي .. باي 😊
ابراهيم : سلام
( تدخل چوري العمارة وتطلع عند صاحبتها )
جوري : سلامتك ي حبيبي 🥺
سلمى : ايه الي غيبك كدة ي رخمة 😟
جوري : معلش ي قلبي
( يعدي الوقت ، چوري ف اسنسير العمارة ، تخرج وتمسك الفون )
جوري : الو .. ايه ي ابراهيم انا نزلت
ابراهيم : نزلتي ليه متصلتيش بيا وانتي فوق ؟!!!
جوري : جم قرايبها ف اتحرجت اقعد صراحة
ابراهيم : طب استنيني ف العربية انا جايلك
جوري : اوك باي
( تقفل چوري وتقرب ع العربية ، تلاقي ايمن ف وشها تتخض )
جوري : ايمن !!!!!
ايمن : عاملة ايه ؟
جوري ب استغراب : انت ايه الي جابك هنا ؟!!!!
ايمن : م انتي مبترديش ع الفون واكتشفت مؤخراً انك عملالي بلوك
جوري : هو احنا مش خلصنا بقا 🤷🏻♀️
ايمن : خلصنا لو كان في سبب ي چوري
جوري : انت عارف السبب
ايمن : لا دي تلكيكة مش سبب
جوري : اياً كان بقا انا وانت انتهينا وع فكرة لو عاوز يحصل مشكلة زي المرة الي فاتت خليك واقف 💁🏻♀️
ايمن : هو معاكي ؟!
جوري : اة معايا
ايمن : طيب تعالي اي حتة نتكلم
جوري : مش هيحصل
ايمن وهو بيرفع الچاكيت بتاعه : لا هيحصل
( تشوف مسدس ف جيبه ، تتخض )
جوري : انت اتجننت شايل مسدس 😧
ايمن : هتيجي معايا نتكلم ولا تبقا مجزرة بسببك ؟
( تخاف چوري )
جوري : هنروح فين ؟
ايمن : المكان الي تحبيه
جوري ب قلق : اي مكان قريب !
ايمن : ماشي .. اتفضلي 👋
( تمشي قدامه وهي متوترة ، يقربوا ع عربيته ، يرن فونها )
جوري : الو
ابرهيم : ايه فينك ؟
( يفتحلها ايمن باب العربية )
جوري وهي بتركب : بص معلش انا طلعت ل سلمى تاني عوزاني
( يستغرب ابراهيم لانه شايفها من بعيد وهي بتركب عربية ايمن )
ابراهيم : اه 😐
جوري : وهروح مع كوكي كمل انت شغل
( يركب ايمن ويمشوا )
ابراهيم : لما تروحي كلميني
جوري : حاضر .. باي
ابراهيم : باي
( تقفل چوري وتبص ل ايمن ب توتر وتضير وشها )
ايمن : ايه مالك ؟ متخافيش مش هخطفك .. مش دلوقتي
( تبصله ب خضة )
ايمن : بهزر 😊
( يركن عند كافيه وينزلوا يدخلوا ويقعدوا )
ايمن : وحشتيني ع فكرة 🖤
جوري : لو سمحت قولي عاوز ايه وخلصني بدل م امشي
ايمن : امشي 💁🏻♂️
( تسكت چوري )
جوري : قولي عاوز ايييه 😟
ايمن : عاوزك ترجعي
جوري : احنا هنعيده تاني انا قلت مش هرجعلك خلاص
ايمن : معلش انا بقا بحب اعيد واذيد
جوري : مش راجعة ي ايمن .. سيبني ف حالي وحيات اغلى حاجة عندك .. سيبني 😕
ايمن : مش عارف .. والله م عارف انا بحبك ومش عارف ابعد عنك 🖤
جوري : متبقاش اناني انا ليا حياة زيك ونفسي اعيشها بهدوء ومرتاحة .. شيلني من دماغك انت اي بنت تتمناك
ايمن : اشمعنا انتي متمنتنيش !!!!!
جوري : عشان احنا مش بناخد كل حاجة 🤷🏻♀️
ايمن : يعني انا لو بعدت عنك هترتاحي ؟
جوري : اه هرتاح
ايمن : تمام .. ماشي ي چوري .. هبعد .. قومي روحي 😒
( تقوم چوري تمشي ، ابراهيم رجع شغله ودماغه عمالة تودي وتجيب الي هو ليه كدبت ، ليه مقالتش انها مع ايمن !!!! يعدي الوقت ، توصل چوري البيت وتدخل اوضتها ، تمسك الفون ، يرن فون ابراهيم )
ابراهيم : روحتي ؟
جوري : اه لسة داخلة البيت اهو
ابراهيم : حمدلله ع السلامة
جوري : الله يسلمك انت رجعت الشغل ؟
ابراهيم : اه .. لما اخلص هكلمك
جوري : اوك
ابراهيم : سلام
( يقفل ابراهيم من قبل م چوري ترد ، تستغرب چوري ، تقوم تغير هدومها ، يعدي يوم واتنين وابراهيم مبيكلمش چوري ولا بيرد عليها ، يوم العيد ميلاد ، ف بيت ابراهيم ، چوري ف المطبخ مع البنات بيعملوا ف الحلويات وال تشيز كيك للعيد ميلاد )
انفال : الله ينور ي شيف چوري الحاجة حلوة اوي 💙
جوري : تسلميلي 😊
نسمة : هو حد قال قدامه حاجة ؟
يارا : لا لا ميعرفش
داليا : هو فوق ولا فين ؟
انفال : لا مع علي وكريم ع القهوة
جوري : حلو نكون خلصنا
انفال : اه يلا نعلق الزينة عبال م الحاجة تسقع شوية
البنات : يلا
( يقفوا البنات يعلقوا ف الزينة ويرصوا الحاجة ع السفرة )
انفال : داليا اتصلي ب علي يطلعوا
داليا : ماشي
( تمسك الفون ، الشباب ع القهوة ، يرن فون علي )
علي : الو
داليا : بقولك يلا
علي ب فهم : طيب حاضر .. سلام
( يقفل علي )
علي : تعالوا نطلع فوق
ابراهيم : ليه ؟!
علي : البنات متجمعين هنقعد سوا
ابراهيم : لا اطلعوا انتوا انا مش طالع ✋
كريم : ليه ي بني ؟!!
ابراهيم ب حدة : كدة مش عاوز
علي : طب اطلع انت اكريم وهنحصلك
كريم : ماشي طيب متغيبوش
( يمشي كريم )
علي : في ايه مالك ؟!
ابراهيم ب ضيق : ماليش 😒
علي : لا في حاجة مش عاوز تطلع ليه ؟!!
ابراهيم : ي عمي ماليش نفس اطلع زهقان 🤦🏻♂️
علي : مهو عشان انت زهقان قوم بقا 👋
( يشده علي ويطلعوا غصب ، يفتحوا باب الشقة ، وفجأة )
الكل : مفاجأاااااااااااااا 😃😁😍🥳😋
( يتخض ابراهيم وبعدين يفهم )
انفال وهي بتحضنه : كل سنة وانت طيب ي روح قلبي 😍
ابراهيم : وانتي طيبة !!
( يقعد الكل يعيدوا عليه )
جوري : كل سنة وانت طيب ي ابراهيم
ابراهيم من غير م يبصلها : وانتي طيبة 😒
( يقفوا يغنوله ويطفوا الشمع ، يدوله الهدايا ماعدا چوري واقفة متضايقة من معاملته الجافة ليها ، تقرب عليه )
جوري : ابراهيم
( يبصلها )
جوري : ممكن دقيقة عوزاك
ابراهيم وهو بيشاورلها ع الاوضة المفتوحة : اتفضلي 👋
( تروح ع الاوضة وهو وراها ، يبصولهم ، يقفوا ف الاوضة قصاد بعض )
ابراهيم وهو بيربع ايده : خير ؟!
جوري : هو انت ليه مكنتش بترد عليا اليومين الي فاتوا ؟!
ابراهيم : كان ورايا شغل
جوري : طب م انت دايماً وراك شغل وكنت بتكلمني عادي !!!!!
( ميردش ويبص ف حتة تاتية )
جوري : انت ليه بتتعامل معايا كدة في ايه ؟!!!
( يبصلها )
جوري : انا عملت حاجة ضايقتك طيب ؟؟
ابراهيم وهو بيحط ايده ف جيبه : انتي مفيش حاجة مخبياها عليا ؟؟
جوري : لأ حاجة ايه ؟!!
( يتنهد ابراهيم )
ابراهيم : چوري .. اليوم الي قلتلك فيه اني بحبك وقلتي تاخدي وقت والحبتين دول
جوري : حبتين !!!!
(
الفصل الرابع عشر من هنا
تعليقات: 0
إرسال تعليق